Azərbaycanda ilk dəfə PR mövzularını əhatə edəcək veriliş yayımlanacaq

Azərbaycanda ilk dəfə olaraq “Səs TV” internet televiziyasında PR mövzularını əhatə edəcək yeni veriliş yayımlanacaq.

Bu barədə məlumat verən “AtaHolding” Korporativ Kommunikasiyalar şöbəsinin rəisi Dilara Zamanova deyib ki, veriliş ilk mərhələdə, ayda 2 dəfə efirə çıxacaq.

Onun sözlərinə görə, PR sahəsi hazırda çox aktualdır və bu sahəyə böyük ehtiyac var. Bunun üçün belə verilişin açılmasına ehtiyac yaranıb. Verilişdə, həmçinin Azərbaycanın tanınmış PR menecerləri dəvət olunacaq. Onlar bu sahədə qazandıqları təcrübələri bölüşəcəklər.

Verilişdə əsasən PR işinin məqsəd və prinsipləri, PR texnologiyaları, PR-əlaqələrin strateji əhəmiyyəti, imic və nüfuzun müqayisəli təhlili, böhranlı kommunikasiyaların idarə edilməsi, ölkəmizdə ictimai əlaqələrin qurulması xüsusiyyətləri haqqında danışılacaq.

D.Zamanova, həmçinin qeyd edib ki, Azərbaycanda PR mövzularının geniş təbliği və ictimaiyyətə çatdırılması üçün il ərzində də “Excelsior Hotel Baku” oteli PR mövzusunda tələbələr, şirkət menecerləri üçün təlimlər keçirilir. SalamNews Frame.az

Bir cavab yazın

error: Mətndən istifadə etmək qadağandır!
%d bloqqer bunu bəyənir: