8 azərbaycanlı rəssamın əsəri “Portrait Now! 2019” beynəlxalq müsabiqəsinin regional mərhələsinə keçib

Pivəbişirən Y.K.Yakobsen adına “Portrait Now! 2019” portret sənəti beynəlxalq müsabiqəsinin seçim mərhələsi başa çatıb. Beynəlxalq jüri yeddi ölkədən 810 portret arasında regional mərhələnin finalçılarını seçib. Azərbaycanda seçim mərhələsinin təşkilini Azərbaycan Milli İncəsənət Muzeyi, Azərbaycan Rəssamlar İttifaqı və Azərbaycan Dövlət Rəssamlıq Akademiyası ilə birlikdə “Carlsberg Group”un bir hissəsi olan “Carlsberg Azerbaijan”şirkəti həyata keçirib.

Oktyabr ayında başlayan “Portrait Now! 2019” həm rəssam, həm geniş kütlənin diqqətinin portret janrına cəlb edilməsi məqsədi daşıyan bütün portret janrına qiymət verənlər üçün beynəlxalq müsabiqədir. Müsabiqədə hər il heykəltəraş, naqqaş, qrafik, həmçinin rəqəmsal texnologiyalarla (foto- , video əsərlər) işləyən müəlliflər iştirak edir.

“Carlsberg Azerbaijan”şirkəti Azərbaycan Milli İncəsənət Muzeyi, Azərbaycan Dövlət Rəssamlıq Akademiyası və Azərbaycan Rəssamlar İttifaqı ilə birlikdə müsabiqənin ilkin mərhələsində seçim prosesinin koordinasiyasını həyata keçirib.

Qeyd edək ki, Azərbaycandan 142 nəfər müsabiqədə iştirakedib, onlardan səkkizi münsiflər heyəti tərəfindən müsabiqənin regional mərhələsi üçün seçilib. Fevralın 22-si “Lvivarnya” Pivə Tarixinin Muzey-mədəniyyət mərkəzində (Lvov, Ukrayna) beynəlxalq jüri cari ilin may ayında Danimarkanın paytaxtı Kopenhagendə əsas mükafatlar uğrunda mübarizə aparacaq finalçıları seçəcək.

“Portrait Now! 2019” müsabiqəsinin finalında iştirakçılar beynəlxalq tanınma və müsabiqənin əsas mükafatı 85 000 Danimarka kronu (22 000 AZN) uğrunda mübarizə aparacaq.

Azərbaycanlı finalçıların adı:

Vaqif Hüseynov

Zakir Mehdiyev

Elgiz Hüseynov

İlham Mirzəyev

Müstəqil Balayev

Aynur Səmədova

Zamiq Rzayev

Sahib Hüseynov

Bundan əlavə, istedadlı azərbaycanlı rəssamlara dəstək məqsədilə Carlsberg Azerbaijan layihə tərəfdaşları ilə birlikdə eko-nominasiyada qalib seçib. Eko-nominasiyada işlərə əsas tələb ekoloji tematikanın süjet və ya portretin hazırlandığı materiallarda əks etdirilməsi idi. Eko-nominasiyada qalib tullantı materiallarından portret hazırlayan Kəmalə Kerriqan seçildi.

Qalibləri beynəlxalq jüri müəyyən edəcək:

Kristofer Beyker, direktor, Şotlandiya Milli Portret Qalereyası, Edinburq, Şotlandiya

Sun Xuquan, direktor, Qonq şahzadəsinin Sarayında Muzey, Pekin, Çin

Van Yi, direktor, Times Modern Bədii Muzeyi, Çin

Mixail Ovçinnikov, direktorun birinci müavini, Faberje Muzeyi, Sankt-Peterburq, Rusiya

Olof Kristin Siqurdardottir, direktor, Reykyavik Bədii Muzeyi, İslandiya

Henrik Vivel, sənətşünas-tənqidçi, Danimarka

Lüsi Dalsen, kurator, Milli Portret Qalereyası, London

Mette Skouqard, direktor, Frederiksborq qəsrində Milli Tarix Muzeyi, Danimarka

Müsabiqənin təşkilatçısı hələ 1882-ci ildən mədəniyyətin inkişafına fəal şəkildə sərmayə yatıran “Carlsberg” Fondudur. Həmin dövrdə şirkətin təsisçisi pivəbişirən Y.K.Yakobsen Frederiksborq qəsrində Milli Tarix Muzeyinitəsis etmişdi. Cəmiyyətin portret sənətinə marağının cəlb edilməsi üçün muzey təsis olunduğu ilk illərdən rəssamlara məşhurların portretlərini sifariş etmişdir. İndi isə yaradıcılıqdan zövq qalmaqla yanaşı, onu qiymətləndirməyin vaxtı gəlib çatıb.

Frame.az

Bir cavab yazın

error: Mətndən istifadə etmək qadağandır!
%d bloqqer bunu bəyənir: