Alonso “Ferrari”də Fetteli əvəz etmək niyyətindədir

İspaniyalı yürüşçü, ikiqat dünya çempionu Fernando Alonso “McLaren” komandasının heyətində deyil, “Ferrari”də Sebastian Fetteli əvəz etməklə Formula 1 yarışlarına qayıda bilər.

Frame.az “Marca” qəzetinə istinadla xəbər verir ki, ispaniyalı yürüşçü məhz bu mümkün vakansiyaya nail olmağı qarşısına məqsəd qoyub. Fettelin İtaliya komandasının tərkibində gələcəyi qeyri-müəyyəndir. Fettel onun üçün uğursuz başlayan 2019-cu il mövsümünün sonunda kollektivi tərk edə bilər.

Daha əvvəl də Alonso özünün Formula 1-ə mümkün olan qayıdışını istisna etmirdi. O, pilot bazarında hadisələrin necə cərəyan edəcəyindən çox şeyin asılı olduğunu bildirmişdi.

Xatırladaq ki, Fernando Alonso ötən ay “İndianapolisin 500 mili” yürüşlərinin təsnifatını keçə bilməyib.

Bir cavab yazın

error: Mətndən istifadə etmək qadağandır!
%d bloqqer bunu bəyənir: