EventsFrame LifeTəqdimat

Azərbaycanda ilk dəfə böyük FIFA çempionatı keçiriləcək

“Bizim Game Zone”-un təşəbbüsü ilə Azərbaycanda ilk dəfə FIFA18 konsol oyunu üzrə çempionat tipli sosial layihəyə start verilir.

Layihənin həyata keçməsində təşkilati dəstəyi Sony şirkətinin Azərbaycandakı rəsmi nümayəndəliyi PlayStation Azərbaycan – Unitech şirkəti , STEP IT Akademiyası, Komptel Baku mağazalar şəbəkəsi, Gamebuy və Konsoloyun web layihələri və Hazzard enerji içkiləri göstərir.

Çempionatın qaliblərini isə hədiyyə hovuzunda yetəri qədər dəyərli hədiyyələr gözləyir.

Belə ki, tədbirin qalibi olan şəxsə Sony Playstation 4 oyun konsolu, FIFA18 orjinal oyunu, VR Cihazı, Power Bank enerji doldurucusu, Bir qutu Hazzard enerji içkisi və qarışıq hədiyyə paketi veriləcək. Eynilə layihədə ikinci və üçüncü yerlərdə qərarlaşan iştirakçıları da müxtəlif hədiyyələr gözləyir.

Qeyd etmək istəyirik ki,çempionata 11 Noyabr 2017 saat 11:00-da “Laliga” Game Centerin Nizami küçəsindəki mərkəz filialında start veriləcək.

Çempionatın bir həftə ərzində davam etməsi gözlənilir və bu sosial lahiyənin möhtəşəm finalı məhz STEP IT Akedemiyasının akt zalında media nümayəndələrinin və şirkət rəsmilərinin hüzurunda keçirilməsi planlaşdırılır.

Son olaraq bildirmək istəyirik ki, çempionatda iştirak etmək üçün əvvəlcədən bilet almağınız gərəkəcək.

Bilet əldə etmək üçün 050 212 22 97 nömrəsinə zəng edə bilərsiniz.

Frame.az çempionatın informasiya dəstəkçilərindəndir.

Ülviyyə Ədalətqızı

Frame.az

Leave a Reply

error: Mətndən istifadə etmək qadağandır!