Azərbaycanda ilk Dizayn müsabiqəsi başlayır!

Dekabrın 21-də Bakıda “Azerbaijan Design Award” dizayn müsabiqəsinə start veriləcək. Dizayn müsabiqəsinin keçirilməsində əsas məqsəd bu sahədə çalışan istedadlı gəncləri aşkara çıxarmaq, perpektivli dizaynerlərin ölkədə tanıdılmasına şərait yaratmaq, bu sahəyə olan marağı artırmaqdan ibarətdir.

Belə ki, “Azerbaijan Design Award” dizayn müsabiqəsində Azərbaycanda fəaliyyət göstərən dizaynerlərin işləri səsverməyə çıxarılacaq, münsiflər tərəfindən səs çoxluğu ilə ən çox bəyənilən dizayn işinin sahibi qalib elan olunacaq. Münsiflər heyətindən söz düşmüşkən, qeyd etmək istəyirik ki, bu müsabiqədə Azərbaycanın, eləcə də Avropanın ən qabaqcıl şirkətlərinin rəhbərləri, kreativ və art direktorlarından ibarət münsiflər heyəti daha yaxşı işi seçmək üçün online səsvermə aparacaq. Münsiflər heyətində Röyal Paşayev, Elnur Babayev, Samir Sadıxov, Ramin Nəsibov, Ceyhun İmanov, Rəvan Bağırov və digər yerli peşəkar mütəxəssislərimiz dəyərləndirmə aparacaqlar. Bundan başqa dünyaca məşhur “A Design Award” müsabiqəsinin münsiflər heyətindən 3 , “German Design Award” müsabiqəsindən isə 1 nəfər dəvət alıb.

Qeyd edək ki, bütün səsvermə prosesi online – sayt üzərindən anonim həyata keçiriləcək. Müsabiqə dekabr ayının 21-dən start götürəcək və 45 gün ərzində dizaynerlər öz layihələrini http://azerbaijandesignaward.com/saytına təqdim etməlidirlər. Mart ayının ilk həftəsində isə müsabiqənin “Finalı” baş tutacaq. Müsabiqəyə qoşulmaq üçün ilk öncə qeydiyyatdan keçmək , daha sonra müvafiq kateqoriya üzrə işi təqdim etmək lazımdır. Müəyyən olunmuş tələblərə əsasən təqdim olunan layihələrlə bağlı bir neçə turdan ibarət səsvermə keçiriləcək. Finaldan öncə hər kateqoriyadan 5 nominant elan olunacaq. Sonda isə hər kateqoriya üzrə qalibin adı açıqlanacaq.

Dizaynerlər xahiş olunur ki, ən son xəbərlərdən məlumatlı olmaq üçün daim müsabiqənin facebook, Instagram səhifələrini və saytını izləsinlər.

Facebook səhifəsi : https://www.facebook.com/azerbaijandesignaward/
İnstagram səhifəsi : www.instagram.com/azerbaijandesignaward
Rəsmi sayt : www.azerbaijandesignaward.com

Frame.az

Bir cavab yazın

error: Mətndən istifadə etmək qadağandır!
%d bloqqer bunu bəyənir: