EventsMusiqiTəqdimat

Azərbaycan və İsrail musiqiçiləri Beynəlxalq Muğam Mərkəzində bir arada-FOTO-lar

Muğam Mərkəzinin səhnəsində müxtəlif ölkələrdən gələn qonaqların çıxışlarını dəfələrcə dinləmişik, amma heç vaxt Azərbaycan və İsrail musiqilərinin birlikdə sintezini eşitməmişdik.

Dekabrın 3-də Beynəlxalq Muğam Mərkəzində “Sound waves” adlı etno musiqi proyekti silsiləsindən növbəti konsert proqramı təşkil olundu. Qeyd edək ki, bu proyekt əsnasında bu yay ərzində Bakıda Yunanıstan, İtaliya və İspaniya musiqiçilərinin konsertləri artıq keçirilib. Bu dəfə növbə İsrailin oldu.

Tədbiri Muğam Mərkəzi, Mədəniyyət və Turizm Nazirliyinin təşəbbüsü ilə Azərbaycan-İtaliya assosiasiyası və İsrailin Azərbaycandakı səfirliyi təşkil etmişdi. Konsertin musiqi koordinatorları isə bəstəkarlar Stefano Muskaritolo və Kəmalə Əlizadə idi.

Gecəyə təşrif buyuran qonaqlar arasında müxtəlif iş adamları, səfirliklərin nümayəndələri və ölkəmizdə qonaq olan turistlər çoxluq təşkil edirdi. Tədbir İsrailin tanıtım video çarxı ilə açıq elan olundu və İtaliya Mərkəzinin rəhbəri Paolo Kasaqrande qonaqları salamlayıb sözü İsrailin ölkəmizdəki səfiri Dan Stav-a verdi. Səfir qonaqlara öz təşəkkürünü bildirib, İsrail və Azərbaycanın folklor musiqisinin sintezinden zövq almağa dəvət etdi.

Gecə boyu bir sıra tanınmış kompazisiyalar səsləndirildi. Azərbaycan musiqilərini tarda Sahib Paşazadə, kamançada Toğrul Əsədullayev, nağarada Soltan Əliyev və xanəndə Hüseyin Məlikov ifa etdilər. İsrail musiqilərini isə dünya şöhrətli Şem Tov Levi və onun komandasında çıxış edən bass gitarist ifa etdi.

Konsert proqramı “Əsmərim” adlı mahnı ilə açıq elan olundu. Ardınca “Hatwat Hebibi” və “Atəşim var, külüm yoх” sintezi, “The circle of life” və “Sən gəlməz oldun”, “Celebration İSR” və “Mehriban ailə” sintezləri qonaqlara təqdim olundu. Tədbir “Be fruitful” və “Sən Muşfiqin yanında” mahnılarının sintezi ilə sonlandı.

Qeyd edək ki, səsləndirilən kompazisiyaların bir çoxunu bəstəkar Kəmalə Əlizadə işləyib hazırlamışdı.

Proyekt dekabrın 16-da Azərbaycan və Portuqaliya musiqiçilərinin birlikdə konserti ilə davam edəcəkdir.

Biletləri iticket.az saytından əldə edə bilərsiniz.

Frame.az

15356686_1326979994009985_8077646489324634665_n 15338808_1326980134009971_2019250107216885079_n 15337417_1326980467343271_6754179447212126944_n 15326598_1326978540676797_4208946292679424559_n 15327379_1326979107343407_3617334418266562950_n 15326357_1326978017343516_8733789777265652715_n 15241305_1326977820676869_7188546159938262638_n 15241780_1326978234010161_1779455900239692309_n 15232189_1326977604010224_7126644777726203658_n 15267853_10154137480765662_8848042746319787063_n 15326423_10154133767775662_8435518174750069424_n

Leave a Reply

error: Mətndən istifadə etmək qadağandır!