EventsTəqdimat

“Azərbaycanın mədəni sərvəti” layihəsi

Azərbaycan Xalça Muzeyində “Azərbaycanın mədəni sərvəti” layihəsi çərçivəsində tədbir keçirilir

Oktyabrın 26-da YUNESKO üzrə Azərbaycan Respublikasının Milli Komissiyası və Azərbaycan Xalça Muzeyinin birgə təşkilatçılığı ilə Azərbaycan Xalça Muzeyində “Azərbaycanın mədəni sərvəti” layihəsi çərçivəsində parça, tikmə və milli geyimlərin bərpası üzrə mühazirələr və ustad dərslər təşkil olunub.
Parça, tikmə və milli geyimlərin bərpası “Azərbaycanın mədəni sərvəti” layihəsinin bir proqramıdır. Proqramın məqsədi bu sahə üzrə yeni kadrların yetişdirilməsi və muzeydə müasir, beynəlxalq standartlara cavab verən bərpa mərkəzinin yaradılmasıdır.
Dərslər Almaniyanın Drezden Dövlət İncəsənət Kolleksiyasının parça, tikmə və geyim üzrə bərpaçı-mütəxəssisi Kristina Müller-Radloff tərəfindən keçirilir.
Qeyd edək ki, Xanım Müller-Radloff 1982-2009-cu illərdə Leypsiq Etnoqrafiya Muzeyində, 2010-cu ildən etibarən Drezden Dövlət İncəsənət Kolleksiyasında tekstsil konservatoru vəzifəsində çalışır. O bir sıra təşkilat və müəssisələr tərəfindən keçirilmiş təlimlərdə iştirak etmiş və dünyanın bütün qitələrindən olan tekstil kolleksiyalarının bərpası və konservasiyası ilə məşğuldur.

Parça, tikmə və milli geyimlərin bərpası üzrə mühazirələr və ustad dərsləri noyabrın 1-dək davam edəcək.

Fuad Rəsul
Azərbaycan Xalça Muzeyi
Mətbuat katibi14595823_1480355221980631_1028427336808050333_n 14713717_1480355681980585_7199231941108448867_n 14731107_1480355325313954_1790399590371210628_n 14681748_1480355868647233_1371073574253522219_n 14595830_1480361941979959_3434874292160856376_n 14601116_1480361865313300_7369819395273842392_n 14606428_1480363411979812_8089455487248716704_n 14725574_1480363731979780_4826560486379285362_n

Leave a Reply

error: Mətndən istifadə etmək qadağandır!