FashionIdmanTəqdimat

Bakı 2017-nin rəsmi formaları nümayiş edildi

Bu gün İslam Həmrəyliyi Oyunları Əməliyyat Komitəsi tərəfindən 4-cü İslam Həmrəyliyi oyunlarının rəsmi vahid geyim formaları ictimaiyyətə təqdim edildi.

Azərbaycan İslam Həmrəyliyi Oyunları Əməliyyat Komitəsinin Brend şöbəsinin hazırladığı vahid geyim formalarını peşəkar dizaynerlər komandası nümayiş etdirdi.

Texniki işçilər, işçi heyəti, podratçılar üçün vahid geyim formaları fərqli görünüş və dizayna malikdir. Yeri gəlmişkən, Bakı 2017 4-cü İslam Həmrəyliyi Oyunlarının könüllüləri və işçi heyəti üçün hazırlanmış geyim formaları eyni dizayn və görünüşdədir.

Azərbaycan İslam Həmrəyliyi Oyunları Əməliyyat Komitəsinin korporativ direktoru Elçin Səfərov formaların təqdimatı ilə bağlı çıxışında: “Vahid geyim formaları hər bir Oyunların önəmli atributu sayılır və məqsədimiz bu formalar vasitəsilə Oyunların abu-havasını ictimaiyyətə çatdırmaqdır. Bu formaları geyinən hər kəs Oyunların bir hissəsi olmaqla bərabər, eyni zamanda 4-cü İslam Həmrəyliyi oyunlarının sülh, hörmət, bərabərlik mesajını da dünyaya çatdırmış olacaq.”

Geyim formalarının üzərində Bakı 2017 Oyunlarının loqosu, Azərbaycan xalçalarının naxış elementləri və İslam xalça ikonoqrafiyası, eləcə də petroqliflər əks etdirilmişdir. İslamı təcəssüm etdirən yaşıl rəng 4-cü İslam Həmrəyliyi oyunlarının  da rəngi olaraq, əsas işçi heyətinin və könüllülərin formalarında özünəməxsus ahəngdarlığı ilə seçilir.

Yeri gəlmişkən, Bakı 2017 İslam Həmrəyliyi Oyunlarının vahid geyim formasına köynək, papaq, kiçik bel çantası və şalvar daxildir.

Baku 2017, 4th Islamic Solidarity Games Frame.az

http://https://youtu.be/KAimLzox_w8

Leave a Reply

error: Mətndən istifadə etmək qadağandır!