Bakıda keçiriləcək Avropa Liqasının final oyunu üçün biznes paketlərin hamısı satılıb

Bakı Olimpiya Stadionunda keçiriləcək Avropa Liqasının final oyunu üçün dəyəri 690 avro olan “Gümüş paket”lərin hamısı satılıb.

Frame.az xəbər verir ki, bununla da onlayın satışı UEFA-nın rəsmi saytı vasitəsi ilə həyata keçirilən biznes yerləri üçün Rəsmi Qonaqpərvərlik Paketlərinin hamısı tükənib. Daha öncə “Qızıl paketlər”in hamısı satılmışdı.

“Gümüş paket”ə I keteqoriyaya aid oyun bileti, qarşılaşmadan əvvəl və sonra dünya standartlarında yeməklər, qonaq otağında pulsuz oturma konsepsiyası, qonaq otağında yarım saat ərzində sərinləşdirici içkilər daxildir.

“Qızıl paket”ə isə qonaq otağının yanında I kateqoriyaya aid oyun bileti, qarşılaşmadan əvvəl və sonra dünya standartlarında yeməklər, qonaq otağında pulsuz oturma konsepsiyası, qonaq otağında yarım saat ərzində sərinləşdirici içkilər aiddir.

Qeyd edək ki, mayın 29-da keçiriləcək final oyunu üçün standart biletlərin satışı 4 mərhələdə aparılacaq. Artıq 64000 biletdən 37500 ədədi martın 7-də satışa çıxarılıb. Birinci mərhələ martın 21-i Bakı vaxtı ilə saat 17:00-dək davam edəcək. Biletlər 4 kateqoriyada təqdim olunur. Birinci kateqoriya 140 avro, ikinci kateqoriya 90 avro, üçüncü kateqoriya 50 avro, dördüncü kateqoriya isə 30 avro dəyərindədir.

Bir cavab yazın

error: Mətndən istifadə etmək qadağandır!
%d bloqqer bunu bəyənir: