EventsTəqdimat

Ekard Franz və onun rəhbərlik etdiyi nümayəndə heyəti Azərbaycan Xalça Muzeyinin qonağı olublar

Azərbaycan Xalça Muzeyi ali qonaqda xoş təəssürat doğurdu.

Noyabrın 25-də Almaniya Federativ Respublikasının İqtisadiyyat və Enerji Nazirliyinin xarici iqtisadi siyasət üzrə baş direktoru Ekard Franz və onun rəhbərlik etdiyi nümayəndə heyəti Azərbaycan Xalça Muzeyinin qonağı olublar.

Diqqətə çatdırılıb ki, “qızıl fondu”nu xovlu xalçalar təşkil edən Muzeyin kolleksiyasında xovsuz xalçaların da nadir nümunələri saxlanılır. Burada Azərbaycanın 7 əsas xalçaçılıq məktəbinin – Quba, Bakı, Şirvan, Gəncə, Qazax, Qarabağ və Təbriz məktəblərinin xalça nümunələri təqdim olunur. Xalçalar xalqın həyat və məişətini əks etdirən, insan, heyvan, quş, bitki ornamentləri ilə zəngin olan sənət əsərləridir. Bu muzey xalçanı Azərbaycanın digər ənənəvi sənət növləri ilə qarşılıqlı əlaqədə nümayiş etdirən bir milli mədəniyyət xəzinəsidir. Onun kolleksiyasına xalça, tikmə, geyim, mis qablar, zərgərlik əşyaları, şüşə, taxta və keçə məmulatları daxildir.

Məlumat verilib ki, Azərbaycanın birinci xanımı, Heydər Əliyev Fondunun prezidenti Mehriban Əliyevanın böyük zəhməti sayəsində milli xalçaçılıq sənəti 2010-cu il noyabrın 16-da UNESCO-nun Qeyri-Maddi Mədəni İrs Siyahısına daxil edilib və həmin gün ölkəmizdə Azərbaycan Xalçası Günü kimi qeyd olunur.

Maddi-mədəni irsimizlə yanaşı, muzey binasının orijinal görünüşü, qeyri-adi ekspozisiya zallarının quruluşu ali qonaqda xoş təəssürat yaradıb. 15202769_1513559438660209_1871373493631864650_n 15230738_1513559218660231_7548922253030126926_n 15230574_1513559228660230_3503588191896703897_n 15241414_1513559481993538_2424990071458474276_n 15203269_1513559511993535_7505934410908051042_n 15232141_1513559571993529_760469208915113560_n 15178083_1513559615326858_563513802055225988_n 15193445_1513559625326857_8446031693125603053_n 15181190_1513559731993513_7321377505353316846_n 15178106_1513559771993509_3743559373059547765_n 15181191_1513559795326840_1584655768705666415_n 15230546_1513559835326836_7425718714658603127_nFrame.az

Leave a Reply

error: Mətndən istifadə etmək qadağandır!