ANİMAFİLM Bakı Beynəlxalq Animasiya Festivalına filmlərin və ssenarilərin qəbulu davam edir

Bu barədə Frame.az-a 19-21 oktyabr 2018-ci il tarixlərində keçiricləcək ANİMAFİLM festivalının təsisçisi Rəşid Ağamalıyev məlumat verir:

“Sevindirici haldır ki, artıq festivalda iştirak etmək üçün 30 ölkədən, özünəməxsus kino ənənələri ilə tanınan Fransa, ABŞ, İran, Almaniya, Böyük Britaniya, İtaliya, Kanada, İspaniya, Yaponiya və digərlərindən 250 müraciət daxil olmuşdur və bu rəqəm günbəgün artmaqdadır. Festivalda iştirak etmək üçün animasiya filmləri və ssenarilər animafilm.az-da yerləşdirən elektron qəbul forması vasitəsi ilə senytabrın 15-nə kimi qəbul olunur. ​”

Birinci ANİMAFİLM Festivalının mövzusu – “Azərbaycan animasiyası”dır.

Birinci Bakı Beynəlxalq Animasiya Festivalının Münsiflər Heyətinin tərkibi Azərbaycan, Rusiya, İsrail, Misir, Gürcüstan, İran və Slovakiyadan olan peşəkarlardan ibarətdir.

İstedadın dəstəklənməsi və animasiya sənətinin irəlilədilməsi meyarlarına əsaslanaraq, festivalda nominasiyaları iki beynəlxalq tərkibli münsiflər heyəti: animasiya filmləri və ssenarilər üzrə heyət dəyərləndirəcək.  Münsiflər heyəti hər
kateqoriya üzrə ən yaxşı filmə “Qızıl gəmi” mükafatı sertifikatı təsis edir.

Münsiflər Heyəti Azərbaycan animasiyasının inkişafına verilən töhfəyə görə “Qızıl gəmi” mükafatı sertifikatı verilməsini nəzərdə tutur: Azərbaycanın tanınmış rejissor-animatorunun adı hələ ki, sirr olaraq saxlanılır.

Sayca 1-ci ANİMAFİLM Festivalı pul mükafatları təsis etməyi nəzərdə tutmur.

Festivalın təşkili gedişatında Təşkilat Komitəsi bu qərarı dəyişmək hüququnu özündə saxlayır. Bundan başqa TK sponsorlara öz mükafatlarını təsis etmək imkanı verən hüququ təmin edə bilər.
ANİMAFİLM Münsiflər Heyətinin hər iki tərkibini təqdim edir:
Animasiya filmləri üzrə Münsiflər Heyəti: Elçin Hami Axundov (Azərbaycan), Cahangir Süleymanov (Rusiya), Ketevan Canelidze (Gürcüstan), Məhəmməd Qazala (Misir), Andrey Xovanets (Slovakiya).

Ssenarilər üzrə Münsiflər Heyəti: Yefim Abramov (İsrail), Sevinc Əzimova (Azərbaycan), Leyla Novruzi (İran), Aygün Aslanova (Azərbaycan), Kəmalə Rövşən (Azərbaycan)

Daha çox məlumat əldə etmək üçün festivalın rəsmi səhifəsini, İnstagram və Facebook səhifələrini izləyə bilərsiniz.
http://www.animafilm.az/
https://www.instagram.com/animafilm.festival/
https://www.facebook.com/Animafilm-505695493191901/

Bir cavab yazın

error: Mətndən istifadə etmək qadağandır!
%d bloqqer bunu bəyənir: