Baku City CircuitFormula 1IdmanTəqdimatƏn Son

Formula 1 yarışlarını işıqlandıran media nümayəndələri üçün ixtisaslaşmış kurs keçiriləcək

Bakı Şəhər Halqası Əməliyyat Şirkəti (BŞH) Bakıda baş tutmuş Formula 1 Azərbaycan Qran Prisi yarışlarının akkreditasiyalı media nümayəndələri üçün idman üzrə ingilis dili kursları təşkil edəcək

Kursun keçirilməsində əsas məqsəd azərbaycanlı media işçilərinin ingilis dili bacarıqlarına yiyələnmələri ilə yanaşı mövcud bacarıqların daha da inkişafını təmin etməkdir.

BŞH-nin Marketinq və Kommunikasiya şöbəsinin rəhbəri Nigar Arpadarai ingilis dili kursunun Azərbaycanda fəaliyyət göstərənkütləvi informasiya vasitələrinin (KİV) nümayəndələri üçün yeni imkanlara yol açacağını bildirib:“Bu təlim daim inkişaf edən idman aləmi, xüsusən də Formula 1 haqqında yeniliklər əldə etmək, bu yeniliklər əsasında xəbər hazırlamaq və həmçinin ölkəmizdə keçirilən beynəlxalq idman yarışlarının fəal iştirakçısına çevrilmək baxımından yerli media işçilərimiz üçün yeni imkanlar yaradacaq.”

İngilis dili kursuna müraciət prosesinə noyabrın 1-də start veriləcək və bu proses noyabrın 15-dək davam edəcək. Kursa yalnız indiyədək Bakıda baş tutmuş Formula 1 yarışlarından hər hansı birində akkreditasiyalı şəkildə iştirak etmiş müxbir və fotoqraflar  qatıla bilərlər. Yerlər məhduddur.

Dil kursları bu ilin noyabrın sonunda başlayacaq və 2020-ci ilin martın sonunadək davam edəcək. Qəbul qaydaları və kurs haqqında daha ətraflı məlumat yaxın günlərdə əməliyyat şirkəti tərəfindən açıqlanacaq. Xəbərlərimizi www.bakucitycircuit.com –dan izləməyi unutmayın.

Frame.az

 

Leave a Reply

error: Mətndən istifadə etmək qadağandır!