“Gözəlliyin bir anı”

16 – 20 dekabr tarixlərində Muzey Mərkəzinin Sərgi Qalereyasında gənc rəssam Tamilla Gasanovanın “Gözəlliyin bir anı” adlı fərdi sərgisi keçiriləcəkdir.

Müasir incəsənətdən söhbət açılanda sıravi tamaşaçı bu cərəyanın yeni yaradıldığını gü- man edir. Bu həm belədir, həm belə deyil. Geniş mənada müasir incəsənət hal-hazırda yaranan bir məfhumdur. Bizə lazım olan dar mənada isə müasir incəsənət, incəsənətlə elm, texnika və həyat arasındakı sərhəd sahəsinə daxil olan tendensiya və hadisələrdir. Burada həqiqətən də son addımda qəbul ediləcək bir şey yoxdur, bu bir təcrübə sahəsi- dir. Əsas xüsusiyyət olan mübahisəlilik isə aksiom deyil, fərziyyədir. Ancaq, hər şey bədii nəbzdən yaranır.

Demək olarmı ki, Tamilla Gasanovanın işləri özündə bu gün müasir incəsənətdə möv- cud olan müəyyən ideya və əhval-ruhiyyəni ehtiva edir? Əlbəttə ki, olar. Bu, emosiyalar, həyat gözəlliyi və incəsənət arasında əlaqələndirici vasitədir. Tamilla Gasanova bizə sa- kit, əlvan elementlər və rəngin harmoniyası ilə tamamlanmış gözəlliyi göstərir. Rəssamın işlədiyi üslub kifayət qədər fərqlidir; realizmdən abstraktsionizmə, klassik tərzdən imp- ressionizmə qədər. Bu da anlaşılandır, çünki dünya o qədər müxtəlifdir ki, onun bütün tərəflərini eyni tərzdə təsvir etmək sadəcə mümkün deyil. Tamilla Gasanovanın işləri müxtəlif janrlarda təqdim olunur, peyzaj və portretlər, milli natürmortlar və ifadəli abst- raksiyalarla əvəz olunur. Portretlər tez-tez görmələr halında yaranan xatirələri özündə təcəssüm etdirir və bu elə bir məqamdır ki, onları görə bilmək, öz qavramında qeyd etmək və rəsm əsərinə çevirmək əsl gözəllikdir.

Portret üzərində işləyərkən rəssam öz qarşısında ruhun bütün dəyişkənliyini kağıza köçürmək məqsədi qoyur. O, bizim gündəlik həyatı- mızda cəmiyyətə ötürdüyümüz əhval-ruhiyyəni, obrazı çatdırmağa çalışaraq insanın rəngarəng, işıqlı və səciyyəvi xususiyyətlərini vurğulayaraq təsvir edir.

Lakin bunun əksinə olaraq, peyzajlar kosmik təbiətin əksini bizə göstərir. Real landşaft- la yetkin insanın düşüncələri ilə vəhdəti də “Əbədiyyət cəvahiratı axtarışında”, “Təbiət ahəngi” və s. işlərin məzmununu təşkil edir.

Rəssamın çox yönümlüyüyü özünü hər şeydə büruzə verir: sənətindən, janrların müxtə- lifliyindən tutmuş, müxtəlif profilli ali təhsilə qədər.Tamilla Gasanova Moskvada art biznes və antikvariat İnstitutunu, sənətşünaslıq və əntiq əşyalarının atribusiya əsasları fakultəsini bitirib. Surikov adına Moskva Dövlət İncəsənət İnstitunda oxuyub, həmçinin Plexanov adına Rusiya İqtisadiyyat Universitetini bitirib və cilalanmış almazların qiymət- ləndirilməsi üzrə ekspert diplomu əldə etmişdir.

Rəssam hər hansı sehrli və görünməyən məişət baxışından, həyat bucağından, ani de- taldan və ya ani həmsöhbətin baxışının diqqətsizliyindən ruhlanır. Ruhlandırıcı peyzaj və heyrətləndirici portretlər bu yolla yaranır. Tamilla Gasanova yaratdığı işlərlə insanların həyatına gözəllik, sevinc və harmoniya gətirəcəyinə ümid edir. Axı müasir incəsənət to- lerantlıq, fikir müxtəlifliyinə səbrli yanaşma kimi xüsusiyyətlərin yaranmasına səbəb olur. Müasir incəsənət hər zaman belə deyir: müxtəlif insanlar, müxtəlif fikirlər deməkdir.

Sərginin təntənəli açılış mərasimi: 16 dekabr 19:00-da, Dairəvi Zal 16 dekabr giriş dəvətnamə ilədir
Sərginin iş saatları: 17 – 20 dekabr, saat 10:00-dan 18:00-dək. Ünvan: Bakı şəh., Neftçilər pr. 49, Muzey Mərkəzi Tel.: +994 12 4935883, 4937287
e-mail: museum@museumcenter.az www.museumcenter.az Frame.az15241762_1170445603040713_2394625558495938786_n

Bir cavab yazın

error: Mətndən istifadə etmək qadağandır!
%d bloqqer bunu bəyənir: