Gülnarə Xəlilovanın “Qarabağ” Milli Geyim Kolleksiyası “RebuildKarabakh”beynəlxalq sərgisində təqdim olunub
Sənətşünaslıq üzrə fəlsəfə doktoru, “Tərəqqi” dövlət medalı sahibi Gülnarə Xəlilovanın “Qarabağ” Milli Geyim Kolleksiyası Bakı Ekspo Mərkəzində keçirilən “Qarabağın Bərpa, Yenidənqurma və İnkişafı” adlı birinci beynəlxalq sərgidə təqdim olunur..
“Karabakh National Dresses by Gulnara Khalilova” pavilyonunu mədəniyyət naziri Anar Kərimov ziyarət etdi və dizaynerlə söhbətində xalqımızın mənəvi mədəniyyətini, tarixini və adət -ənənələrini əks etdirən milli geyimlərin daha da geniş təbliğinin vacibliyini qeyd etdi.
Gülnarə Xəlilova əvvəllər ABŞ, Böyük Britaniya, Rusiya və Çində beynəlxalq layihələrdə uğurla təqdim olunan “Qarabağ” kolleksiyasından danışdı və milli geyim mədəniyyətinin qorunması və inkişafı ilə bağlı gələcək planlarını bölüşdü.
