Baku City CircuitFormula 1Ən Son

Hörmətli paytaxt sakinləri!

Böyük məmnuniyyətlə diqqətinizə çatdırmaq istərdik ki, göstərdiyiniz anlayış və dəstək sayəsində biz növbəti dəfə Formula 1 çempionatının möhtəşəm yarışına evsahibliyi etdik.

Artıq biz yarış başa çatdıqdan dərhal sonra yarış məkanında olan bütün tikililərin sökülməsi prosesinə start verdik və tezliklə birlikdə gözəl Bakımızın mərkəzi küçələrinin əvvəlki görkəminə şahid olacağıq.

Hazırda söküntü işlərini sürətlə davam etdiririk və bu prosesdə üzləşdiyimiz bəzi məqamlar bizi ciddi narahat etməkdədir.

Nəzərinizə çatdırmaq istərdik ki, yarış məkanına aid bütün tikililər və küçələrin ətrafına quraşdırılmış avadanlıqlar Bakı Şəhər Halqası Əməliyyat Şirkətinin (BŞH) şəxsi mülkiyyətindədir.

Bu əmlaka hər hansı bir şəkildə zərər vermək və ya ona sahib olmağa cəhd etmək qanununla qadağandır və buna əməl etməyənlər barəsində əlaqədar tədbirlər görüləcəkdir.

Bir daha indiyədək verdiyiniz dəstəyə görə sizə dərin minnətdarlığımızı bildirir və həmçinin göstərəcəyiniz anlayışa görə Sizə əvvəlcədən təşəkkürümüzü bildiririk.

 Hörmətlə,

Bakı Şəhər Halqası Əməliyyat Şirkəti

Leave a Reply

error: Mətndən istifadə etmək qadağandır!