“İstedadlı Əlillər” İctimai Birliyi tərəfindən ödənişsiz olaraq xarici dil kursları təşkil olunub
Cari ilin 24 aprel tarixindən etibarən “İstedadlı Əlillər” İctimai Birliyi “Fiziki məhdudiyyəti olan şəxslər üçün peşə hazırlıq kurslarının təşkil edilməsi və məşğulluğun artırılması” adlı layihəsi çərçivəsində 1 Saylı Sağlamlıq İmkanları Məhdud Gənclərin Peşə Reabilitasiya Mərkəzinin tələbələrinə İngilis dili kurslarının təlim edilməsinə start verib.
Tədbiri giriş sözü ilə Mərkəzin direktoru Rahilə xanım Həsrətova açaraq xarici dil kurslarının təşkil edilməsinin gənc iştrakçılar üçün əhəmiyyətindən danışıb. Xüsusi olaraq vurğulayıb ki, “Xarici ölkələrdə keçirilən idman yarışlarında ölkəmizi təmsil edən paralimpiyaçılarımıza ingilis dilini bilmək faydalı və əhəmiyyətlidir”
Sonra İstedadlı Əlillər İctimai Birliyinin sədri, layihənin rəhbəri Cavad Qasımov layihə haqqında geniş məlumat verib. “Birliyimizin “Fiziki məhdudiyyəti olan şəxslər üçün peşə hazırlıq kurslarının təşkil edilməsi və məşğulluğun artırılması” adlı layihəsi Azərbaycan Respublikasının Prezidenti Yanında QHT-ə Dövlət Dəstəyi Şurasının maliyyə dəstəyi, 1 Saylı Sağlamlıq İmkanları Məhdud Gənclərin Peşə Reabilitasiya Mərkəzinin və Şəms Tərcümə Xidmətləri Mərkəzinin təşkilatı dəstəyi ilə həyata keçirilir. Təşkil etdiyimiz xarici dil kursları və yaxın günlərdə təşkil edəcəyimiz “Layihə Universiteti”-nin təlim edilməsi iştrakçıların gələcəkdə əmək fəaliyyəti ilə məşğul olmalarına zəmin yaradacaq, öyrəndikləri nəinki iştrakçıların özləri üçün, eyni zamanda cəmiyyət üçün faydalı olacq. Qeyd edim ki, təşkil olunan kurslar iştrakçılara ödənişsiz olaraq təlim ediləcək”
Daha sonra Şəms Tərcümə Xidmətləri Mərkəzinin nümayəndəsi mövzu ilə əlaqəli çıxış etdərək vurğulayıb ki, kurslar həftədə üç dəfə olmaqla üç ay təlim ediləcək, zərurət olarsa təlimlərin vaxtının artırılmasına baxılacaq”
Çıxışlardan sonra iştrakçıları maraqlandıran suallar təşkilatçılar tərəfindən cavablandırılıb. Tədbir sonunda İstedadlı Əlillər İctimai Birliyinin sədri, layihənin rəhbəri Cavad Qasımov layihənin gerçəkləşməsində əməyi və dəstəyi olan hər kəsə təşəkkürünü bildirib. Frame.az
