“Park Cinema”-da “Kids Hall” uşaq zalının açılışı olub

Noyabrın 28-də “Park Cinema Park Bulvar” kinoteatrında “Soyuq ürək-2” cizgi filminin nümayişi keçirilib.

Nümayiş çərçivəsində “Kids Hall” zalının rəsmi açılışı baş tutub, zalın ilk qonaqları isə “Umid yeri” uşaq sığınacağının balaca sakinləri olub.

Nümayişdən öncə kinoteatrın foyesində uşaqlar üçün müxtəlif əyləncələr keçirilib, köpük şou və furşet təqdim olunub.

Qeyd edək ki, “The Walt Disney Company” kinokompaniyasının “Soyuq ürək 2” (Frozen 2) animasiyası cizgi filmləri üçün dünya kassa yığımı üzrə dünya rekorduna imza atıb.

Rejissorlar Kris Bak və Cenifer Linın noyabrın 22-də ekranlara çıxan cizgi filmi Amerikada 130 milyon dollar, xaricdə isə 228,2 milyon dollar toplayıb. Beləliklə “Soyuq ürək 2” 358,2 milyon dollar yığımla “The Walt Disney Company” kompaniyasının digər lenti – 2019-cu il iyunun 21-də ekranlara çıxan və ümumilikdə 238 milyon dollar yığan “Oyuncaqlar tarixi” (Toy Story 4) animasiya filminin rekordunu yeniləyib.

“Soyuq ürək 2” 2013-cü ildə ekranlara çıxan və kraliça Alisa ilə bacısı Annanın macəralarından bəhs edən eyniadlı animasiya filminin ikinci hissəsidir. Xərcləri 150 milyon dollar təşkil edən cizgi filminin prokatı demək olar ki, 1,3 milyard dollar gəlir gətirib. Ekran əsəri “Ən yaxşı animasiya filmi” və “Ən yaxşı mahnı” nominasiyalarında “Oskar” mükafatına layiq görülüb.

“Soyuq ürək” cizgi filminin motivləri əsasında 2018-ci ildə yazılan müzikl Nyu-Yorkun Brodvey teatrlarının birində səhnəyə qoyulub. “Disney World” əyləncə parkında isə bu cizgi filminə həsr olunmuş ayrıca bölmə fəaliyyət göstərir.

Frame.az

Bir cavab yazın

error: Mətndən istifadə etmək qadağandır!
%d bloqqer bunu bəyənir: