Könüllülərin Monako müsabiqəsi: 5 könüllüyə 5 günlük səyahət hədiyyəsi

Bakı Şəhər Halqası Əməliyyat Şirkəti (BŞH) 27-29 aprel 2018-ci il tarixlərində keçiriləcək növbəti Azərbaycan Qran Prisinə hazırlıq ərəfəsindəvə yarış ərzində yüksək fəallığı ilə seçilən 5 könüllünü2018 Formula 1 Monako Qran Prisinə göndərəcək.

Ən yüksək nəticə toplayan könüllülər 25-27 may 2018-ci il tarixlərində baş tutacaq Monako Qran Prisində iştirak edəcək və yarışın təşkilatçıları ilə qarşılıqlı təcrübə mübadiləsi aparmaq imkanına sahib olacaqlar.

Müsabiqənin keçirilməsində əsas məqsəd gənclər arasında könüllülük fəaliyyətinə maraq yaratmaq və eləcə də Bakıda keçiriləcək növbəti Formula 1 yarışında yüksək fəallığı ilə seçilən könüllüləri mükafatlandırmaqdır.

Könüllülərin səyahət, qonaqlama və yarışda iştirakla əlaqədar bütün xərcləri əməliyyat şirkəti tərəfindən qarşılanacaq. Bu əvəzolunmaz hədiyyəni qazanmaq istəyən hər bir könüllü yarışa qədər olan  müddətdə maksimal dərəcədə fəal olmalı, sosial mediada mütəmadi olaraq könüllülük fəaliyyətinədair paylaşımlar etməli, bütün seminar və təlimlərdə fəal iştirak etməli, yarış ərzində yüksək peşəkarlığı ilə fərqlənməli və həmçinin yekunda keçiriləcək ümumi imtahanda ən yüksək beş nəticədən birinə yiyələnməlidir.

Müsabiqədə kimlər iştirak edə bilər?

Müsabiqədə iştirak etmək istəyən hər bir şəxsəvvəlcə2018 Formula 1 Azərbaycan Qran Prisinin Könüllülər Proqramının bütün seçmə mərhələlərindən keçərək könüllü adını qazanmalıdır. Bundan başqa, orta səviyyədə ingilis dilini bilməli və eyni zamanda 18 yaşdan yuxarı Azərbaycan vətəndaşı olmalıdır.

Qaliblər necə müəyyənləşdiriləcək?

Könüllülərin fəaliyyəti əsasən 4 istiqamət üzrə qiymətləndiriləcək: şəxsi inkişaf təlimləri, könüllülük fəaliyyətinə dair tədbirlərdə iştirak, yarış zamanı göstərilən fəallıq və bütün təlimlər üzrə keçirilən ümumi imtahan. Hər bir meyarın dəyəri aşağıdakı cədvəldə göstərilib.

Qiymətləndirmə prosesi iki mərhələdə aparılacaq:

İmtahana qədər olan mərhələdə mümkün 59 baldan azı 36 bal toplayan və həmçinin şəxsi və peşəkar inkişafa dair keçirilən seminarların azı 3-də iştirak edən könüllülər növbəti mərhələyə – ümumi imtahana buraxılacaqlar.

İmtahandan sonraisə yekun qiymət cədvəlində ən çox bal toplamış 5 könüllü müsabiqənin qalibi ünvanına yiyələnərək Monakoya səfər etmək imkanı əldə edəcək.

Kriteriya Bal
Seminarlarda iştirak 14
Şəxsi və peşəkar inkişaf seminarları 14
Modul 1 2
Modul 2 2
Modul 3 2
Modul 4 2
Modul 5 2
Modul 6 2
Modul 7 2
Təbliğat fəaliyyətinə dair tədbirlərdə iştirak 20
Bir günlük tədbirlərdə iştirak 5
Daha uzun müddətli tədbirlərdə iştirak 5
Sosial media vasitəsi ilə təbliğat işlərində fəallıq 5
Müsabiqələrin qalib komandaları  (hər komanda 5 nəfərdən ibarət olur) 5
Formula 1 yarışı zamanı verilən rol üzrə fəaliyyət 25
Rəhbərlərin müsbət rəyi 10
Verilən iş qrafiki üzrə tam davamlılıq 5
Gündəlik fəaliyyətdə iştirak 10
MaksimumToplam Bal 59

Frame.az

 

 

 

 

Bir cavab yazın

error: Mətndən istifadə etmək qadağandır!
%d bloqqer bunu bəyənir: