EventsMuğamMusiqiMədəniyyət

Beynəlxalq Muğam Mərkəzində müvəffəqiyyətlə “Yaradanlar və yaşadanlar” lahiyəsi həyata keçirilir

Noyabrın 2- də Beynəlxalq Muğam Mərkəzində “Yaradanlar və yaşadanlar” layihəsi çərçivəsində keçirilən möhtəşəm konsert tanınmış müğənni, əməkdar artist Kifayət Gəncəlinin yaradıcılığına  həsr olunmuşdu.
Konsert Azərbaycan Respublikası Mədəniyyət Nazirliyinin dəstəyi ilə, “Mədəniyyət” televiziya kanalının və Beynəlxalq Muğam Mərkəzinin birgə layihəsi çərçivəsində həyata keçirilmişdi.
Gecədə xalq artistləri Gülyanaq Məmmədova -“Arzum budur”,  Nəzakət Teymurova -“Uca dağlar”, əməkdar artistlər Firuzə İbadova- “Qəlbimin səsi”, Cavanşir Məmmədov – ” Dəli ceyran”, Kifayət Gəncəli  özü -“Xatırla məni”, Arzu Əliyeva -“Düz bir ildi”, Gülüstan Əliyeva -“Xatirələr”,  Azərbaycan Televiziyası və Radiosunun solistləri Nurlan Namazov – “Pəri-pəri”, Rövşən Əziz – “Bəyənmir məni”, müğənnilər Məftun Məmmədli -“Leyla”, Könül Məmmədli -“Tələbəlik illəri” mahnılarını ifa etdilər.
İfaçıları xalq artisti Ağa Cəbrayıl Abasəliyevin bədii rəhbərliyi altında “Səadət” instrumental ansamblı müşayiət edirdi.
Konsertin aparıcısı əməkdar artist Rəşad  İlyasov  idi.
Konsert maraqla qarşılandı və alqışlarla sona çatdı.
Xatırladırıq ki, noyabrın 6-da saat 19:00- da Beynəlxalq Muğam Mərkəzinin və Azərbaycan Dövlət Mədəniyyət və İncəsənət Universitetinin birgə “Yeni nəsil dəvət edir” layihəsi çərçivəsində “Yada düşər xatirələr” adlı konsert keçiriləcək.

Biletləri  şəhərimizin kassalarında, ASAN xidmət mərkəzlərində və iticket.az saytında əldə etmək olar.

Frame.az

Leave a Reply

error: Mətndən istifadə etmək qadağandır!