“LuziAG”Azərbaycanı regional xab kimi qiymətləndirir

İsveçrənin ətriyyat kompozisiyaları istehsalçısı olan “Luzi AG” şirkəti məhsullarının Qafqaz və Mərkəzi Asiyada inkişaf etdirilməsi üçün Azərbaycanı regioanl xab kimi qiymətləndirir.

Yerli bazarda “Luzi AG” şirkətinin məhsulları 10 ildən çoxdur tanınır. Şirkət 2014-cü ildə məhsullarının aktiv inkişaf etdirilməsinə başlayıb və artıq 2017-ci ilin fevral ayında isə Bakıda regional nümayəndəliyini açıb. Hazırda “Luzi AG” Azərbaycanda ətriyyat və kosmetika məhsullarının istehsalçıları ilə əməkdaşlıq edir, həmçinin yerli şəxsi gigiyena vasitələri və məişət kimya məhsullarının istehsalçıları ilə aktiv danışıqlar aparır.

“Luzi AG”nin icraçı direktoru Yurq Kollerin (Jürg Koller) sözlərinə görə, iki il ərzində şirkət realizə etdiyi məhsullarının həcminin artırmaq və ətriyyat kompozisiyaları bazarında liderlərdən birinə çevrilmək niyyətindədir.

«”Luzi AG”şirkəti Yaxın Şərq regionu ölkələrinin bazarlarında təmsil olunur və bu regionun aparıcı hazır məhsul istehsalçılarının inamını qazanıb. Bizi BƏƏ, İran və Fars körfəzinin digər ölkələrində çox yaxşı tanıyarlar. Son illər ərzində Dubayda olan məhsullarımız Azərbaycandan və Qazaxıstandan aktiv şəkildə satın alınır, məhz bu səbəbdən də Bakıda rəsmi nümayəndəliyin açılmasını qərara aldıq. Planlaşdırırıq ki, Azərbaycan nümayəndəliyimiz nəinki yerli bazarı əhatə edəcək, həmçinin Qafqaz və Orta Asiya bazarlarında məhsullarımımzn inkişaf etdirilməsində xab rolunu oynasın. Artıq ofisimizdə Azərbaycan və Qazaxıstanda biznesin inkişafı üzrə menecerlərimiz fəaıiyyət göstərir”, – deyə Yurq Koller bildirib.

Koller onu da əlavə edib ki, şirkət Azərbaycan bazarına yeni çıxıb və məhz buna görə hazırkı tədarükçünü yenisinə dəyişmək istəyən müştəriləri tapmaq elə də asan deyil: “Azərbaycan bazarında şirkətin məhsulları qiymətinə görə rəqabətqabiliyyətlidir. Onu deyə bilərəm ki, bazarda digər analoji məhalullarla müqayisədə biz orta, hətta ortadan bir qədər yuxarı kateqoriyadayıq. Onu da xatırlatmaq istərdim ki, yüksək keyfiyyətli məhsul ucuz satıla bilməz”.

Əsası 1926-cı ildə Sürixdə (İsveçrə) qoyulan “Luzi AG” şirkəti Avropanın ən qocaman ətriyyat kompozisiyaları istehsalçısıdır. Şirkətin sifarişçiləri sırasında həm kütləvi, həm də eksklüziv kateqoriyalara aid olan ətriyyat istehsalçıları mövcuddur. Hazırda şirkət 100-dən çox ölkədə təmsil olunur. Şirkət özünü bütün ekoloji standartlara cavab verən keyfiyyətli məhsul istehsalçısı kimi sərgiləndirir. Sözügedən sənayenin nəzarət orqanı sayılan Ətirli Maddələr üzrə Beynəlxalq Assosiasiyanın (IFRA) üzvü olan bu şirkətin bütün istehsal prosesi İsveçrədə həyata keçirilir. Ətriyyat kompozisiyalarının istehsalı zamanı “Luzi AG” 1 800-ə yaxın müxtəlif növ inqrediyentlərdən istifadə edir ki, bunların sırasında İtaliyanın sitrus cövhəri, Meksikanın liman yağı, Bolqarıstanın qızıl gül yağı, İndoneziyanın paçuli yağı, Madaqaskarın vanil yağı və s.

Frame.az

Bir cavab yazın

error: Mətndən istifadə etmək qadağandır!
%d bloqqer bunu bəyənir: