“Müstəqilliyimizin üç rəngi”

Xalça Muzeyində “Bir kərə yüksələn bayraq, bir daha enməz”! adlı bayram tədbiri keçirildi.

Noyabrın 9-da Azərbaycan Xalça Muzeyində Azərbaycan Respublikası Mədəniyyət və Turizm Nazirliyi Şuşa şəhər Mədəniyyət və Turizm İdarəsi, Azərbaycan Xalça Muzeyi Şuşa filialı və Azərbaycan Respublikası Təhsil Nazirliyinin Respublika Texniki Yaradıcılıq Mərkəzinin birgə təşkilatçılığı ilə “Bir kərə yüksələn bayraq, bir daha enməz!” adlı bayram tədbiri keçirilib.
Tədbir Azərbaycan Respublikasının Dövlət himni ilə başlayıb.
Sonra CBC televiziyasının hazırladığı “Müstəqilliyimizin üç rəngi” adlı qısametrajlı sənədli film nümaiş olunub.
İlk olaraq tədbirdə Azərbaycan Xalça Muzeyi Şuşa filalının əməkdaşı Səbinə Əzizova çıxış edib və vurğulyıb ki, bu cür tədbirlərin keçirilməsində əsas məqsəd gənc nəslə tariximiz, milli adət-ənənələrimiz və dəyərlərimiz haqqında geniş məlumatlar verməkdir. Daha sonra Azərbaycan Respublikası Şuşa şəhər İcra Hakimiyyəti başçısının müavini Vüsalə Fətəliyeva milli-mənəvi dəyərlərimizin qorunmasında ulu öndərin və ölkə prezidenti İlham Əliyev cənablarının xidmətlərindən söhbət açıb.
Tədbirin bədii hissəsində Azərbaycan Respublikası Təhsil Nazirliyinin Respublika Texniki Yaradıcılıq Mərkəzinin hazırladığı mahnılar və şeirlərdən ibarət ədəbi musiqili kompozisiya qonaqlara təqdim olunub.

Fuad Rəsul
Azərbaycan Xalça Muzeyi
Mətbuat katibi

14925744_1495994760416677_3433913574775884935_n 15037189_1495995037083316_7938468433118892780_n 15027629_1495995040416649_8000660212169909620_n 15032918_1495995017083318_5891882166455752014_n 15036694_1495995093749977_5396278576318599361_nFrame.az

Bir cavab yazın

error: Mətndən istifadə etmək qadağandır!
%d bloqqer bunu bəyənir: