Beynəlxalq Muğam Mərkəzində tanınmış meksikalı piano ifaçısı çıxış edib

Noyabrın 26-da Beynəlxalq Muğam Mərkəzində tanınmış meksikalı piano ifaçısı Xesus Lepe Riko konsert proqramı ilə çıxış edib.
Tədbir Meksikanın ölkəmizdəki Səfirliyi və Beynəlxalq Muğam Mərkəzinin təşkiltçılığı ilə həyata keçirilib.
Konsertdən əvvəl Meksikanın ölkəmizdəki səfiri Xuan Rodrigo Labardininin çıxışında tədbirin iki ölkə və xalqın yaxınlaşması, mədəniyyət və incəsənətlərinin qarşılıqlı tanıdılması məqsədi ilə keçirildiyi vurğulanıb.
Musiqi gecəsində İohann Sebastyan Bax, Lüdviq van Bethoven və Frederik Şopen kimi dünya klassiklərinin, habelə Meksikanın tanınmış bəstəkarlarının əsərləri səslənib.
Qeyd edək ki, Xesus Lepe Riko bir sıra milli mükafatlara layiq görülüb. Piano üzrə Beynəlxalq Papantla Festivalının təsisçisi və baş direktorudur. 2011-ci ildən bu günə kimi Verakruz ştatının Papantla de Olarte “Lazara Meldiu” Bələdiyyə Mədəniyyət Evinin piano sinfinin rəhbəri və müəllimi kimi fəaliyyət göstərir.
Xatırladırıq ki, Beynəlxalq Muğam Mərkəzində muğamın, milli klassik və ətnik musiqinin təbliği və inkişafı məqsədi ilə həyata keçirilən tədbirlər və möhtəşəm   yaradıcılıq  layihələri davam  edir.

Noyabrın 29-da saat 19:00-da Beynəlxalq Muğam Mərkəzinin yeni “Qəzəllər” layihəsi çərçivəsində keçirilən musiqi gecəsində Seyid Əzim Şirvaninin qəzəlləri səslənəcək.

Frame.az

Bir cavab yazın

error: Mətndən istifadə etmək qadağandır!
%d bloqqer bunu bəyənir: