“Şekspir xalçası” müsabiqəsinin nəticələrinə həsr olunmuş tədbir keçirilib

Azərbaycan “Şekspir Xalçası” müsabiqəsinin qalibi elan olundu.
Azərbaycan Xalça Muzeyində “British Council” Azərbaycan Rəssamlıq Akademiyasının və Azərbaycan Xalça Muzeyinin Uilyam Şekspirin 450 -ci ildönümü münasibətilə elan etdikləri “Şekspir xalçası” müsabiqəsinin nəticələrinə həsr olunmuş tədbir keçirilib
Tədbirdə çıxış edən Böyük Britaniyanın Azərbaycandakı səfiri Kerol Krofts bildirib ki, müsabiqənin təşkili Azərbaycan xalqının və dövlətinin Şekspir yaradıcılığına verdiyi böyük töhfədir: “Biz bu müsabiqəni böyük qürurla elan etmişik və şadam ki, müsabiqə uğurla başa çatdı. Statistik hesablamalara görə, dünyada hər dəqiqə hansısa məkanda Şekspirin əsərləri oynanılır. Azərbaycan da Şekspir yaradıcılığına böyük diqqət görürəm. Eyni zamanda qeyd edə bilərəm ki, müsabiqənin münsifi olmaqdan böyük zövq aldım. Azərbaycan “Şekspir Xalçası” müsabiqəsi Azərbaycanın xalça sənəti sahəsində zəngin mədəni irsini və Şekspirin dünya ədəbiyyatında tutduğu yeri bir araya gətirir”.
Sonra “British Council”-un direktoru Elizabet Uayt və Azərbaycan Xalça Muzeyinin direktoru Şirin Məlikova müsabiqənin əhəmiyyətindən danışıb və qalibləri təbrik ediblər.
Qeyd edək ki, layihənin icrasına may ayında başlanılıb, may-iyul ayları arasında uşaqlar, peşəkar dizaynerlər və ictimaiyyət nümayəndələri tərəfindən 60-dan çox dizayn təqdim olunub. Onların arasından 15 ən kreativ iş “British Council”-un rəsmi “Facebook” səhifəsində yayımlanıb.
Mərasimdə müsabiqənin hər kateqoriyası üzrə qaliblərə mükafatlar təqdim edilib, bütün iştirakçılara isə sertifikatlar verilib. Bildirilib ki, son nəticələrə görə qalib gəlmiş üç iştirakçının dizaynı əsasında xalçalar toxunacaq.
Müsabiqədə birinci yer çıxmış Azərbaycan Rəssamlıq Akademiyasının məzunu, hazırda Dövlət Gənc Tamaşaçılar Teatrının rəssamı Telman Şıxiyev isə Londonun V&A Muzeyinə və Şekspirin “Qlobus” teatrına səyahətlə mükafatlandırılıb.

14729228_1468081713207982_623816410252359367_n 14705673_1468081893207964_3902363502182364669_n 14657333_1468081506541336_2569994268894763223_n 14725527_1468081503208003_2513263807328075096_n 14690889_1468081643207989_3484235529656880230_n 14690877_1468081653207988_4494730167529993231_n 14724492_1468081739874646_8194159464232978129_n 14642058_1468081826541304_2719285510883937573_n 14731261_1468081866541300_2655881720339788399_nFrame.az

Bir cavab yazın

error: Mətndən istifadə etmək qadağandır!
%d bloqqer bunu bəyənir: