AirnewsSəyahətTurizmTəqdimat

“Türk Hava Yolları” təhlükəsizlik üzrə yeni təlimat videosu hazırlayıb

“Türk Hava Yolları”aviaşirkəti “The LEGO Movie” media-franşiza ilə əməkdaşlıq çərçivəsində yeni animasiya çarxını – təyyarənin göyərtəsində təhlükəsizlik üzrə təlimat vidosunu təqdim edir. Yeni videoda “LEGO”nun son animasiyasının qəhrəmanları yer alıb.

“Türk Hava Yolları”aviaşirkəti “The LEGO Movie” ilə birgə tarixdə ilk dəfə olaraq sərnişinlərin təhlükəsizliyinə dair birinci videonu  hələ 2018-ci ilin avqust ayında təqdim etmişdir.Cəmi bir ay ərzində video 20 milyon dəfədən çox izlənilib və “2018 Clio Entertainment” müsabiqəsinin qızıl mükafatına layiq görülüb.

“LEGO” qəhrəmanlarının yer aldığı təhlükəsizlik üzrə ikinci videobu ilin martın 1-dən etibarən aviaşirlətin bütün reyslərində nümayiş olunacaq. Animasiyadan başqa, yeni təlimat videosu “Türk Hava Yolları”nın 306 ən maraqlı və məşhur istiqamətlərinin bəzilərini canlandıraraq göstərir. Video Bali, Moskva, San-Fransisko, Roma, Keyptaun, Honkonq və Tokiyo kimi yerlərə səyahəti əhatə edir və İstanbul Yeni Hava Limanında başa çatır.

“Dünyada ən gənc parklardan birinə sahib olan “Türk Hava Yolları” özünün çoxillik təcrübəsinə əsaslanır. Bizim üçün təkrarolunmaz təcrübə olan İstanbul Yeni Hava Limanına köçmək ərəfəsində sərnişinlərimizə təhlükəsizlik üzrə yeni video-çarxı təqdim etməkdən məmnunuq”,- deyə “Türk Hava Yolları”nın İdarə Heyətinin və İcraiyyə Komitəsinin sədri İlker Aycı bildirib.

“The LEGO Movie 2” təhlükəsizlik üzrə təlimat videosunun hazırlıq prosesi Türkiyə, ABŞ, Böyük Britaniya, Kanada və Avstraliya kimi ölkələrdə 4 ay müddətində 979 saat davam edib. Yaradıcılıq prosesinə 400-dən çox insan cəlb edilib, çəkiliş qrupunda 80-dən artıq, animatorlar komandasında  isə 70-ə yaxın insan çalışıb.

Qeyd edək ki, “Türk Hava Yolları”nın aviaparkında yerləşən 28 müxtəlif növ təyyarənin təhlükəsizlik detallarını əhatə etmək məqsədilə təhlükəsizlik üzrə yeni vedio-çarxın ingilis və türk dillərində 11 versiyası hazırlanıb.

“Türk Hava Yolları”nın təhlükəsizlik üzrə yeni videosuna bu link vasitəsilə baxmaq mümkündür: https://youtu.be/MqbFPn_FwaE.

Frame.az

Leave a Reply

error: Mətndən istifadə etmək qadağandır!