Maraqlı

“Uber” 2020-ci ilədək uçan taksiləri istifadəyə verməyə hazırlaşır

ABŞ-ın “Uber Technologies Inc” taksi sifarişi üzrə servis xidməti 2020-ci ilə qədər pilotlu uçan taksiləri istifadəyə verməyə hazırlaşır. Bunu kompaniyanın baş icraçı direktoru Ceff Holden bildirib.

Frame.az Interfax informasiya agentliyinə istinadla xəbər verir ki, uçan taksi ilk vaxtlar Dallas rayonunda və Dubayın “Expo 2020” sərgisində sərnişinlərə xidmət göstərəcək. Gediş qiyməti “UberX” tarifinə uyğun – 1 mil məsafə üçün 1,32 dollar olacaq.

Kompaniya artıq bir neçə aviasiya istehsalçısı, o cümlədən vertikal uçuş texnologiyası əsasında avtomobillər hazırlayan “Aurora Flight Services” və “Pipistrel Aircraft” şirkətləri ilə əməkdaşlıq edir. Bundan başqa, eniş meydançaları düzəltmək üçün hər iki şəhərdə mülk sahibləri ilə razılıq əldə olunub.

“”Uber” yeni sistem barədə hələ keçən ilin oktyabrında məlumat vermişdi. Helikopter kimi vertikal şəkildə havaya qalxan və enən uçan avtomobillər elektrik mühərriki sayəsində minimal səslə hərəkət edəcək və atmosferə zərərli qazlar atmayacaq.

Leave a Reply

error: Mətndən istifadə etmək qadağandır!