Valideynlər rəqəmsal biliklərini necə artıra bilərlər? – ÜSUL

Kaspersky yaşlı nəslin kiber təhlükəsizlik probleminə diqqət çəkmək üçün yeni layihəyə start verib.

Frame.az xəbər verir ki, layihədə insanların şəbəkədə hansı təhdidlərlə qarşılaşa biləcəyi və onlardan qorunmaq yolları barədə məlumat yer alıb.

Kaspersky SafeBook adlandırılan fikir məşhur internet sənətçisi Duran ilə birlikdə yaradılıb. Qısa bir onlayn bələdçidə mütəxəssislər ciddi nüansları sadə və anlaşılan hekayələr timsalında yumorla izah edirlər.

Çox vaxt yaşlı insanlar kiber savadlılıq məsələlərində çətinliklərlə qarşılaşa bilərlər: bir qayda olaraq, mövcud təhdidlər haqqında daha az bilirlər, sosial şəbəkələrdə məxfiliyin necə qurulacağı haqda az məlumatlıdırlar, təhdidlərə qarşı daha kövrəkdirlər.

Kaspersky SafeBook bir veb sənətçisinin tanınan üslubunda əks etdirilən on sketçdən ibarətdir. Təlimat istifadəçilərin rəqəmsal səriştəsini artırmağı hədəfləyir. Məsələn, bir kinoteatr veb saytının timsalında fişinqin necə görünə biləcəyini, ev heyvanlarının adlarını niyə şifrə kimi istifadə edə bilməməyinizi, “deep fake”-in (dərin saxtakarlıq) nə olduğunu, internetdəki son dərəcə səxavətli təkliflərə niyə şübhə ilə yanaşmalı olduğunuzu və daha çoxunu izah edir.

Bu barədə Frame.az-a Kaspersky şirkətindən məlumat verilib.

“Biz başa düşürük ki, valideynlərlə internetdə necə davranmalı olduğunuz barədə danışmaq daha çox stresə çevrilə bilər. Bu səbəbdən də bəzi qayğıları öz üzərimizə götürməyə çalışdıq və ən çox görülən təhdidləri və onlardan qorunmağın yollarını təsvir etdik. Bunları ekranda canlandırmaq üçün yumoruna və üslubuna yüksək qiymət verdiyimiz sənətçi Durana üz tutduq. Bütün bunlar sketçlərə baxan hər kəsin gülümsəməsi və düşünməsi üçündür. Ümid edirik ki, kitabımız sizə lazımsız stresdən uzaq durmağa və sevdiklərinizlə yalnız xoş mövzularda ünsiyyət qurmağa kömək edəcək bir bələdçiyə çevriləcəkdir”, – deyə şirkətin məlumatında qeyd olunur.

Bir cavab yazın

error: Mətndən istifadə etmək qadağandır!
%d bloggers like this: