Azərbaycan İlahiyyat İnstitutunda (Aİİ) “20 Yanvar” faciəsinə həsr olunmuş “Qan yaddaşımız” mövzusunda tədbir keçirilib.
Öncə“20 Yanvar”şəhidlərinin əziz xatirəsi birdəqiqəlik ehtiram sükutu ilə anılıb.
Tədbiri giriş nitqi ilə açan İnstitutunrektoru Ceyhun Məmmədovvurğulayıb ki, təhsil müəssisəsi gənclərin milli və vətənpərvərlik ruhunda tərbiyə edilmələri, mənəvi dəyərlərin təbliği istiqamətində müxtəlif tədbirlər həyata keçirir.O qeyd edib ki, Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq salnaməsi kimi yazılan “20 Yanvar” faciəsi barədə gənclərimiz daha geniş məlumatlandırılmalı, onlarda vətənpərvərlik hissləri yüksəldilməlidir.
RektorC.Məmmədov bildirib ki, 1990-cı il yanvarın 20-si Azərbaycanın müasir tarixinə ən faciəli günlərdən biri, eyni zamanda, xalqımızın qəhrəmanlıq səhifəsi kimi daxil olub. Doğma yurdunun, xalqının azadlığını, şərəf və ləyaqətini hər şeydən uca tutan vətənpərvər Azərbaycan övladları həmin gecədə canlarından keçərək, şəhidlik zirvəsinə ucaldılar.
Keçmiş sovet imperiyasının ağır artilleriyasının Azərbaycanda törətdiyi qanlı qırğından 29 il keçməsinə baxmayaraq, xalqımız o gecəni daim xatırlayır, həmin faciənin ağrı-acısı ilə yaşayır, bu vəhşiliyi törədənlərə dərin nifrətini bildirir. Hər il yanvarın 20-də minlərlə insan Şəhidlər xiyabanını ziyarət edir, Vətənin azadlığı və suverenliyi uğrunda canlarından keçmiş Azərbaycan oğul və qızlarının əziz xatirəsini ehtiramla yad edir.
Məruzəçi “20 Yanvar”faciəsinə ulu öndər Heydər Əliyev tərəfindən hüquqi-siyasi qiymət verildiyini, faciə qurbanlarının xatirəsinin hər il dövlət səviyyəsində anıldığını, Prezident cənab İlham Əliyev və Birinci vitse-prezident xanım Mehriban Əliyevanın bu siyasəti uğurla davam etdirdiyini bildirib.
“20 Yanvar” Şəhid Ailələrinin Hüquqlarının Təmin Olunması İctimai Birliyinin sədri Maral Qocaman sözügedən hadisənin canlı şahidinə çevrildiyini bildirərək, milli mübarizəyə qalxan dinc əhaliyə divan tutulmasını, kütləvi terror nəticəsində yüzlərlə günahsız insanın qətlə yetirilməsi və yaralanmasını totalitar sovet rejiminin süqutu ərəfəsində onun cinayətkar mahiyyətini bir daha aşkara çıxardığını qeyd etdi. “Tanklar Bakı küçələrində qarşılarına çıxan hər şeyi əzir, hərbçilər hər tərəfi amansızcasına atəşə tuturdular. İnsanlar nəinki küçələrdə, hətta avtobusda gedərkən, öz mənzillərində belə oturduqları yerdə güllələrə tuş gəlirdilər. Yaralıları aparmağa gələn “təcili yardım” maşınları və tibb işçiləri atəş hədəfi idilər”, – deyə İctimai Birliyin sədri o dəhşətli günlərin acı xatirəsini yaşayıb-gördükləri ilə paylaşıb.
Erməni Təcavüzünün Tanıdılması İctimai Birliyinin sədri, Qarabağ veteranı Səriyyə Cəfərovahazırda ölkəmizdə hökm sürən əmin-amanlığın və sabitliyin “20 Yanvar” azadlıq mübarizəsindən bəhrələndiyinivurğulayıb. Həmin gecə qəhrəmanların öz canlarına qıyaraq ömürlərini Vətənin ömrünə caladıqlarını söyləyən S.Cəfərova deyib: “Bir millətin var olması üçün onun uğrunda canından keçən qəhrəmanlar lazımdır”.
Tədbirin bədii hissəsi Aİİ tələbələrinin iştirakı ilə davam etdirilib.
Frame.az