“Azerbaijan kids best model 2022” müsabiqəsi keçirilib
CASPIAN BUSINESS otelində ” Star Kids Group” şirkətinin təşkilatçılığı ilə “AZERBAIJAN KIDS BEST MODEL 2022” yarışması keçirildi. Müsabiqədə 4-14 yaş arasında uşaqlar iştirak etdilər. AZERBAIJAN KIDS BEST MODEL 2022 adlı uşaq moda yarışmasında 97 model iştirak etdi. Modellərin 46 qız, 51 oğlan idi. Tədbirdə Azərbaycanın məhşur simaları modelyer-dizaynerlər, xalq artistləri və əməkdar artistlər iştirak etdilər. Münsiflər heyətinin sədri ənənəvi olaraq tanınmış modelyer-dizayner Fəxriyyə Xələfova oldu.
“Məqsədimiz Azərbaycanda xüsusi istedada malik olan uşaqların və gənclərin yaradıcılıq potensialını inkişaf etdirməklə yanaşı onları ilk öncə vətənimizdə, daha sonra ölkə xaricində tanıtmaqdır”, – “Star Kids Group” direktoru Aygün Əliyeva qeyd etdi.
Münsiflər heyətində İştirak etdilər – Yeganə Sadıxova, Ayaz Qasımov, Şəhriyar Əbilov, Əfruz Əmirova, Əli Hüseynov, Sevinc Əliyeva, Nurlana Miyabi.
