EventsMədəniyyətSərgi

Bakıda “Qələbə hünəri” Respublika Yaradıcılıq Sərgisi açılacaq

Mədəniyyət Nazirliyi, Azərbaycan Rəssamlar İttifaqının dəstəyi, “Bakı” Rəsm Qalereyasının, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə noyabrın 5-də Vətən müharibəsində Qələbəmizin ildönümünə həsr olunmuş “Qələbə hünəri” adlı sərgi təşkil olunacaq.

Dövlət Rəsm Qalereyasından Frame.az-a bildirilib ki, sərgi rəssamlarımızın yaradıcılığında Azərbaycanın, xüsusən də işğaldan azad olunmuş ərazilərin təbiət gözəlliklərinin tərənnümü, Ali Baş Komandanın rəhbərliyi altında rəşadətli Azərbaycan Ordusunun Vətən müharibəsində göstərdiyi misilsiz qəhrəmanlığın və qazanılmış möhtəşəm tarixi Zəfərin təsviri sənət əsərlərində nümayişi məqsədilə həyata keçirilir.

Sərginin ekspozisiyasında Azərbaycan rəssamlarının əsərləri ilə yanaşı, həmçinin Azərbaycan Dövlət Rəsm Qalereyasının kolleksiyasına daxil olan əsərlər də yer alacaq. Nümayiş olunan əsərlərin müəllifləri sertifikatla təltif ediləcək.

Xətai Sənət Mərkəzində açılacaq sərgi noyabrın 12-dək davam edəcəkdir.

Sərginin keçiriləcəyinə dair əvvəlcədən verilmiş elana uyğun olaraq 156 müəllif tərəfindən elektron variantda 200-dən çox əsər təqdim olunmuşdur. Sərginin təşkilatçıları və münsiflərin qərarı ilə 40 müəllifin 46 əsəri sərgidə nümayiş olunmaq üçün seçilib.

Müəlliflər seçilmiş əsərlərini oktyabrın 30-dək “Xətai” Sənət Mərkəzinə təqdim etməlidir.

Leave a Reply

error: Mətndən istifadə etmək qadağandır!