EventsIqtisadiyyatSosialTəqdimat

Coca-Cola Azərbaycan ABŞ Dövlət Katibinin mükafatına layiq görülmüşdür

Coca-Cola şirkəti Azərbaycanda qadınların iqtisadi inkişafı sahəsində dəstəklədiyi layihələrə görə ABŞ Dövlət Katibinin Korporativ Mükəmməllik Mükafatının qalibi elan edilib.

Coca-Cola Azərbaycan qadınların iqtisadi imkanlarının artırılması, onların sahibkarlıq fəaliyyətinə cəlb edilməsi sahəsində həyata keçirdiyi işlərə görə ABŞ Dövlət Katibinin 2020-ci il üçün Korporativ Mükəmməllik Mükafatına layiq görülmüşdür. Korporativ Mükəmməllik Mükafatı (KMM) ABŞ Dövlət Departmantinin ən nüfuzlu beynəlxalq mükafatlarından biridir. Bu mükafat hər il xaricdə fəaliyyət göstərən və eyni zamanda faəliyyətdə olduqları ölkələrdə yüksək sosial məsuliyyət standartları nümayiş etdirməklə Amerika dəyərlərini təmsil edən 3 ABŞ şirkətinə təqdim olunur. 2020-ci ilin dekabr ayında ABŞ Dövlət Katibinin İqtisadi İnkişaf, Enerji və Ətraf Mühit üzrə müavini Keith Krach Coca-Cola Azərbaycan nümayəndəliyinin “Qadınların iqtisadi inkişafı” kateqoriyası üzrə KMM mükafatının qalibi seçildiyini elan etmişdir.

“Coca-Cola şirkətini Azərbaycanda qadınların inkişafı sahəsində gördüyü böyük işlər münasibətilə təbrik edirəm. Coca-Cola şirkətinin Azərbaycan bölgələrində qadınların öz iqtisadi rifahlarının yaxşılaşdırılması məqsədilə yeni bilik və bacarıqlara yiyələnmək istiqamətində həyata keçirdiyi işləri yüksək qiymətləndiririk. Öz əməkdaşları arasında, xüsusən də, rəhbərlik səviyyəsində gender balansının təmin edilməsi sahəsində Coca-Cola Azərbaycan şirkətinin nümunəvi fəaliyyəti bizi çox məmnun edir. Bu, Amerika şirkətlərinin xarici ölkələrdə biznes fəaliyyəti zamanı yüksək standartlara sadiq qalması ilə yanaşı, fəaliyyət göstərdikləri cəmiyyətlərin rifah halının yaxşılaşdırılması istiqamətindəki aktiv işini mükəmməl şəkildə nümayiş etdirir.” – ABŞ-ın Azərbaycandakı səfiri Lee Litzenberger qeyd etmişdir.

Bu mükafatla Coca-Cola Azərbaycanda qadınlar üçün iqtisadi imkanların artırılması sahəsində geniş səylərinə görə təqdir edilmişdir. Bunun üçün Coca-Cola BMT-nın İnkişaf Proqramının (UNDP) Azərbaycan ofisi, Azərbaycanın Ailə, Qadın və Uşaq Problemləri Üzrə Dövlət Komitəsi, Youth İnc. gənc sahibkarlar proqramı, və ASAN Könüllülər təşkilatı ilə fəal əməkdaşlıq edərək bir sıra layihələr həyata keçirmişdir. 2014-cü ildən bəri Coca-Cola-nın dəstəklədiyi və qadınların iqtisadi inkişafına xidmət edən layihələrdən 5000-dən çox qadın yararlanmışdır. Bu layihələrə Salyan və Neftçala rayonlarında Qadın Resurs Mərkəzlərinin yaradılması, qadınları turizm sahəsində sahibkarlığa həvəsləndirən “Uğurlu qadın, uğurlu gələcək” layihəsi və gənc qadınlara sahibkarlıq yönlü təlim kursları vasitəsi ilə dəstək verən “Youth Inc.” proqramı daxildir.

“Azərbaycanda qadınların iqtisadi inkişafı istiqamətində göstərdiyimiz səylərə görə ABŞ Dövlət Katibinin Korporativ Mükəmməllik Mükafatına layiq görüldüyümüz üçün böyük qürur hissi keçiririk. Biz əminik ki, biznesin inkişafı cəmiyyətlərin inkişafı ilə parallel getməlidir. Bu mənada qadınların dəstəklənməsi də məhz cəmiyyətin dəstəklənməsi deməkdir və bu, bizim sosial inkişaf prioritetlərimizdən biridir. Bu sahədə nailiyyətlərimizi təqdir etdiyinə görə ABŞ Dövlət Departamentinə minnətdarlığımızı bildirir və qadınların iqtisadi inkişafına dəstək missiyamızda bizimlə əməkdaşlıq edən dəyərli tərəfdaşlarımıza təşəkkür edirik.”- Azərbaycan Coca-Cola Bottlers şirkətinin baş direktoru Rəna Məmmədova bildirmişdir.

ABŞ Dövlət Katibinin hər il təqdim olunan Korporativ Mükəmməllik Mükafatı xarici ölkələrdə fəaliyyəti və həmin ölkələrdə cəmiyyətlərin inkişafı üçün gördüyü işlər müddətində Amerikan biznes dəyərlərini təmsil ABŞ şirkətlərinə verilir. Qeyd etmək lazımdir ki, Coca-Cola Azərbaycan şirkətinin dünya səviyyəsində bu mükafatın qalibi seçilməsi Azərbaycanda fəaliyyət göstərən Amerika şirkətləri arasında bu şərəfə layiq görülməsi bir ilk olmuşdur. 2020-ci ilin digər iki qalibləri isə dayanıqlı enerji təhlükəsizliyi sahəsindəki naliyyətlərinə görə AES Panama şirkəti və Ruandada səhiyyə xidmətlərinin əlçatanlılığının artırılması sahəsində fəaliyyətinə görə Abbott şirkəti olmuşdur.

Frame.az

Leave a Reply

error: Mətndən istifadə etmək qadağandır!