IqtisadiyyatMobil dünyaTəqdimat

Kaspersky ilk dayanıqlı inkişaf hesabatını təqdim edib

Kaspersky 1 yanvar 2021-ci il – 30 iyun 2022-ci il tarixləri arasında şirkətin davamlı inkişaf strategiyası çərçivəsində fəaliyyət nəticələrini paylaşdığı ilk ESG hesabatını təqdim edib. Sənəd beynəlxalq Qlobal Hesabat Təşəbbüsünün Təlimatları (GRI 2021) və Proqram Təminatı və İT-Xidmətləri Sektoru üçün Davamlı Sənaye Mühasibatı Uçotu Standartları Toplusu (SASB) kimi standartlara cavab verir. Hesabat şirkətin dayanıqlı inkişafının beş əsas istiqamətinə əsaslanır: kiber davamlılıq, etika və şəffaflıq, gələcək texnologiyalar, insanlar üçün imkanlar və ətraf mühitə qayğı.

Kaspersky 2015-ci ildən etibarən qeyri-maliyyə nəticələri və sosial fəaliyyətlərin nəticələrini paylaşmağa başlayıb. Həmin vaxt özünün korporativ sosial məsuliyyət (Corporate Social Responsibility) üzrə ilk hesabatını təqdim edib. ESG hesabat formatına keçid şirkətin müştərilər, tərəfdaşlar və dövlət qurumları üçün şəffaflığını artırmaq istəyi əsasında baş verir. Hesabatda BMT-nin 8 Dayanıqlı İnkişaf Məqsədləri vurğulanır ki, şirkətin xüsusi ESG təşəbbüsləri bu məqsədlərə töhfə verməyə yönəlib.

“Bizim üçün ESG prinsiplərinə sadiqlik dəbdə olan tendensiya deyil, bizim tariximizin və inkişafımıza dair strateji baxışımızın bir hissəsidir. Qayğı bizim DNT-mizdədir: məhsullar və həllər mülahizəsiz faydalıdır, dünyanı daha təhlükəsiz edir. Biz indi Rusiyada ESG hesabatını dərc edən ilk kibertəhlükəsizlik İT şirkətlərindən biriyik. Bu, daha böyük şəffaflıq və açıqlıq istiqamətində növbəti addımdır”, – deyə Kaspersky-nin baş direktoru Yevgeni Kasperski bildirib.

“Hesabatda həmçinin şirkətin prioritet hesab etdiyi mövzular – kibercinayətkarlıqla mübarizə, həyati vacib infrastrukturun mühafizəsi, informasiya təhlükəsizliyi sahəsində təhsil təşəbbüsləri, eyni zamanda dəyər səviyyəsində bizə yaxın olan mövzular – məlumatların qorunması, şəffaflıq, etik idarəçilik təcrübələri təqdim olunur. Lakin sosial məsuliyyət daşıyan şirkət olaraq biz digər çağırışlara və problemlərə – sosial və ekoloji problemlərə cavab vermək zərurətini nəzərdən qaçıra bilmərik. Biz inanırıq ki, bizneslər davamlı inkişafın formalaşdırılmasında nümunə göstərməlidirlər”, – deyə Kaspersky-nin Dayanıqlılıq Layihələrinin rəhbəri Mariya Losyukova öz növbəsində qeyd edir.

Ətraf mühitə mənfi təsirin azaldılması 

2021-2022-ci illərdə şirkət istehsal və istifadə zamanı ətraf mühitə daha az təsir göstərən rəqəmsal məhsulların xeyrinə fiziki məhsul satışlarını iki dəfə azaldıb. Bundan əlavə, Kaspersky daha şüurlu ezamiyyət prosesi həyata keçirib və onların ümumi sayını azaldıb, nəticədə 2019-2021-ci illər arasında havaya buraxılan tullantılar 81% azalıb. Digər tədbirlərə müxtəlif biznes bölmələrində ətraf mühit məsələlərinə məsuliyyətli yanaşmanın formalaşdırılmasına yönəlmiş daxili təşəbbüslər daxildir. Söhbət, xüsusilə, karbon izinin azaldılması, daha ekoloji cəhətdən təmiz marketinq materiallarına keçid və ya onlardan istifadədən imtina mövzusunda maarifləndirici fəaliyyətlərdən gedir. Ofis infrastrukturu daha eko-səmərəli olub, şirkətdə elektronika, tullantı kağızları və təkrar emal üçün əşyalar toplanır.

İşçilərə qayğı göstərmək və yeni istedadların inkişafı

İnsanlar şirkətin ən qiymətli sərvətidir, buna görə də Kaspersky personalın uğur qazanması və inkişaf etməsi üçün mümkün olan hər şeyi edir. 2022-ci ildə təşkilatdakı işçilərin məmnunluğunu ölçən Net Promoter Score (eNPS) göstəricisi 53%-ə yüksəlib. Hesabat dövründə (1 yanvar 2021 – 30 iyun 2022) şirkət işçilər üçün daxili kursların portfelini daim genişləndirib, bu gün onların sayı yüzdən çoxdur. Artıq işçilərin 40%-dən çoxu şirkətdə təhsil almaq imkanından istifadə edib. Bundan əlavə, Kaspersky-də işçilərə QHT-lər üçün vəsait toplamaq, ictimai təşəbbüslərə könüllü şəkildə qatılmaq, könüllü və təmənnasız iş, qan donorluğu və xeyriyyə idman tədbirləri də daxil olmaqla sosial məsuliyyətli fəaliyyətlərdə iştirak etməyə imkan verən korporativ könüllülük proqramı fəaliyyət göstərir. Kaspersky həmçinin yeni istedadlara investisiya edir. Şirkət dünyanın 100-dən çox tərəfdaş universitetini birləşdirən Kaspersky.Academy-nin təhsil bölməsinin inkişafına dəstək verir və 2018-ci ildən etibarən dünya üzrə 6000-dən çox tələbənin iştirak etdiyi Secur’IT Cup tələbə kibertəhlükəsizlik müsabiqəsini təşkil edir. 

Davamlı istifadəçi etibarı 

Məhsulların, eləcə də daxili və biznes proseslərin maksimum şəffaflığı rəqəmsal təhlükəsizliyin vacib elementidir. Kaspersky istifadəçi məlumatlarının məxfiliyinə hərtərəfli yanaşır ki, bu da şirkətin məhsullarının istifadəçilərinin yerləşdiyi hər bir ölkədə işçilərin təlimini və məlumatların emalının standartlaşdırılmasını nəzərdə tutur. 2019-cu ildən etibarən təşkilat hər il məlumatların idarə edilməsi sistemlərini ISO/IEC 27001 beynəlxalq standartına uyğun olaraq sertifikatlaşdırır və onların yüksək mühafizə səviyyəsini təsdiqləyir. 

Bundan əlavə, Kaspersky özünün Qlobal Şəffaflıq Təşəbbüsünü inkişaf etdirməyə davam edir və hesabat dövründə (1 yanvar 2021 – 30 iyun 2022) müştərilərin şirkətin mənbə kodu ilə tanış ola biləcəyi daha üç şəffaflıq mərkəzinin açılışını edib. Həmçinin, Asiya-Sakit Okean regionu, Latın Amerikası və Yaxın Şərqdən olan istifadəçilər üçün kibertəhlükələrlə bağlı məlumatların işlənməsi mərkəzini İsveçrəyə köçürüb. Ümumilikdə, 2018-ci ildən bəri şirkət İsveçrədə məlumat infrastrukturunun qurulması üçün 5,6 milyon dollar investisiya edib.

Təhlükəsiz gələcək uğrunda davamlı mübarizə 

Kaspersky kibercinayətkarlıqla qlobal mübarizəyə daim öz töhfəsini verir. Şirkət beynəlxalq hüquq-mühafizə orqanları və hökumətlərarası təşkilatlarla qarşılıqlı təmasdadır. Kaspersky-nin fəal təcrübəsi və təcavüzkarlar və onların fəaliyyəti haqqında bilik mübadiləsi, hesabat dövründə (1 yanvar 2021 – 30 iyun 2022) 4 ölkədə 7 iri kibercinayətkarı həbs etməyə imkan verib. Həmçinin, Kaspersky istifadəçi təlimi və mühafizə proqramlarını inkişaf etdirməyə davam edir. Belə ki, hesabat dövründə təqaüdçülər üçün TRAPEZE maarifləndirici kursu və məişət zorakılığının qurbanı olan qadınlar üçün kurslar təqdim olunub ki, bunların sonuncusu Avropa Komissiyasının dəstəyi ilə yaradılıb. 

Kaspersky Davamlılıq Hesabatı tam mətni ilə burada tanış ola bilərsiniz: https://esg.kaspersky.com/

Leave a Reply

error: Mətndən istifadə etmək qadağandır!