“Kaspersky”nin istifadəçilərin rəqəmsal həyatlarını qorumaq üçün nəzərdə tutulan məhsullar xəttindən olan “Kaspersky Standard” həlli “AV-Comparatives”dən tərəfindən 2023-cü il üçün “İlin Məhsulu” mükafatına layiq görülüb. Şirkət bu ali illik mükafatı yeddinci dəfə əldə edib və Rusiyada keçən il təqdim edilən tamamilə yeni xəttdən olan bir məhsul 2023-cü ildə belə bir yüksək mükafata layiq görülüb.
2023-cü ildə müstəqil laboratoriya “AV-Comparatives” qlobal təchizatçıların 16 təhlükəsizlik həllini onlayn təhdidləri və qabaqcıl hədəfli kiberhücumlari dəf etmək, minlərlə yeni zərərli proqramı tanımaq və cihazı yavaşlatmadan minimum yalan emal sayı ilə müdafiə təmin etmək imkanlarına görə sınaqdan keçirib. “Kaspersky Standard” həlli faktiki təhlükələrdən qorunma səviyyəsini yoxlamaq üçün iki böyük sınaq (Real-World Protection Test), ümumi zərərli proqramlardan qorunma səviyyəsini yoxlamaq üçün iki sınaq (Malware Protection Test), iki performans sınağı (Performance Test) və qabaqcıl təhdidlərə qarşı qorunma səviyyəsini yoxlamaq üçün bir sınağın (Advanced Threat Protection Test) daxil olduğu yeddi “Public Consumer Main-Test Series” sınağında ən yüksək Advanced+ reytinqini alıb.
Əsas illik mükafata əlavə olaraq, “Kaspersky” həmçinin “AV-Comparatives”dən fərdi kateqoriyalar üzrə beş mükafat əldə edib və 2023-cü ildə belə nəticə əldə edən yeganə kibertəhlükəsizlik təchizatçısı olub. Alınan mükafatlar bunlardır: Real World Protection 2023 Silver; Malware Protection 2023 Silver; ATP Consumer 2023 Silver (Advanced Threat Protection 2023 Silver); Best Overall Speed 2023 Bronze və Lowest False Positives 2023 Bronze.
Məhsulun icmalında “AV-Comparatives” mütəxəssisləri “Kaspersky Standard” həllinin quraşdırma asanlığı, əlçatan və mövcud təhlükəsizlik xüsusiyyətlərinin siyahısı, əsas səhifədə əsas imkanlara çıxışı asanlaşdıran vizual interfeys kimi üstünlüklərini qeyd ediblər. Mütəxəssislər zərərli proqramların aşkarlanması ssenarilərində “Kaspersky Standard”ın davranışını yüksək qiymətləndiriblər: zərərli proqram olan qovluğu açmağa çalışarkən bütün təhdidlər avtomatik aşkarlanıb və qorunan sistemə köçürülmə və ya sistemdə işə salınma şansı olmadan silinib.
“Kaspersky” 20 ildən artıqdır ki, “AV-Comparatives” sınaqlarında iştirak edir və ayrı-ayrı kateqoriyalar üzrə mükafatların ümumi sayına görə liderdir – ümumilikdə 57 qızıl, gümüş və bürünc mükafata sahibdir.
“Kaspersky Standard-ın 2023-cü ildəki bütün əsas seriya sınaqlarımızda üstün nəticələr nümayiş etdirməsi ilə yanaşı zərərli proqramlara qarşı üstün imkanlarını da qeyd etməkdən məmnunuq. Kaspersky istifadəçilərin cihazlarını və şəxsi məlumatlarını zərərli proqram hücumlarından yüksək effektivliklə qorumaq qabiliyyətini sübut edib. Şirkət yeddinci dəfədir ki, “İlin məhsulu” mükafatını alır və bu, Kaspersky-nin təhlükəsizlik texnologiyalarının istifadəçiləri cari təhlükələrdən qorumaq üçün güclü və davamlı imkanlarını nümayiş etdirir”, – deyə “AV-Comparatives”in təsisçisi və baş direktoru Andreas Klementi bildirir.
“Bizim texnologiyalarımız hərtərəfli auditlərdən keçir və istifadəçilərin rəqəmsal mühafizəsinin etibarlılığını yoxlamaq üçün qlobal standartlara uyğun sertifikatlaşdırılıb. Nəticələr öz sözünü deyir: 2023-cü ildə Kaspersky Standard həlli ilk dəfə sınaqlarda iştirak etdi və birinci yeri tutdu. Bundan əlavə, bütün təhlükəsizlik sistemi istehsalçıları arasında ayrı-ayrı kateqoriyalar üzrə AV-Comparatives-dən alınan ən çox illik mükafata sahibik – 57. Şirkətimiz bazarda ən sabit və etibarlı şirkətlərdən biri olaraq qalır”, – deyə “Kaspersky”nin baş direktoru Yevgeni Kasperski öz növbəsində qeyd edir.
“AV-Comparatives” hesabatının tam versiyasını buradan görə bilərsiniz: https://www.av-comparatives.org/tests/summary-report-2023/.