FutbolIdman

“Libertadores Kuboku”nun qalibi Qremio

Cənubi Amerikanın ən nüfuzlu turniri olan “Libertadores Kuboku”nun qalibi “Qremio” komandası olub. “Qremio” 22 il aradan sonra yenidən Cənubi Amerikanın zirvəsinə çıxıb. İlk görüşdə 1:0 hesabı ilə qələbə qazanan “Qremio” bu dəfə Argentina’da “Lanus” komandasını 2:1 hesabı ilə məğlub edərək kubokun sahibi olub. Argentina’da 50.000 futbolsevərin önündə oynayan “Qremio” matçın ilk hissəsini 27-ci dəqiqədə Fernandinyo’nun və 42-ci dəqiqədə Luan’ın vurduğu qollarla 2:0 öndə bitirib. “Lanus” komandası 72-ci dəqiqədə bu qollardan yalnız birinin əvəzini çıxa bilib. Joze Sand penalti zərbəsini dəqiq yerinə yetirərək fərqi minimuma endirib 1:2. Görüşün bitiminə yeddi dəqiqə qalmış qonaqlar Ramiro Benedetti’nin qırmızı vərəqə almasından sonra azlıqda tamamlayıb. Qeyd edək ki Braziliya təmsilçisi “Qremio” 1983-cü və 1995-ci illərdən sonra tarixində 3 -cü dəfə “Libertadores Kuboku’na sahib çıxıb. Beləcə “Qremio” Əbu Dabi’də keçiriləcək Klublar arası Dünya Kubokunda iştirak etmə haqqını əldə edib.

Frame.az

PƏRVİN BAYRAMOV

Leave a Reply

error: Mətndən istifadə etmək qadağandır!