Peşəkar Futbol Liqasının elan etdiyi loqo müsabiqəsinin qalibi mükafatlandırılıb

Peşəkar Futbol Liqasının elan etdiyi loqo müsabiqəsinin qalibi mükafatlandırılıb.

Frame.az xəbər verir ki, ən yaxşı loqonu hazırlayan Fərhad Sultanov 2000 manat məbləğində pul mükafatı qazanıb.

Qələbəsi ilə bağlı təəssüratlarını bölüşən F.Sultanov deyib: “Müsabiqəni təşkil etdiyiniz üçün təşəkkür edirəm, iştirak etmək çox xoş oldu. Qələbə hissi əvəzolunmazdır. Böyük rəqabət içində seçilmək insana əla motivasiya verir. Gələcəkdə hazırladığım loqonun bir çox yerlərdə qarşıma çıxacağını bilmək məni xoşbəxt edir. Peşəkar Futbol Liqasının loqosu indiyə kimi hazırladıqlarımın arasında ən yaxşılardandır deyə düşünürəm. Məncə, qələbəmdə, loqonun ruhunu aşılamağımda yeniyetmə yaşlarımda futbolla məşğul olmağım böyük rol oynadı. Məlumatlı olduğum sahə üzrə iş görmək, onu yaşayaraq etmək insana zövq verir. Azərbaycan futbolunu yaxından izlədiyim üçün loqoda nəyə əsaslanacağımı qərar verməkdə çətinlik çəkmədim. Alov, top, butanı bir model içində göstərməyə çalışdım. Hazırladığım loqo bir dünyadır, içində top təsvir olunub. Kürənin içində butanı bir simvol kimi göstərmişəm. Həmçinin milli atribut olaraq alovdan istifadə etmişəm. İnanıram ki, PFL-in yeni loqosu uğurlu olacaq”.

 

 

Bir cavab yazın

error: Mətndən istifadə etmək qadağandır!
%d bloggers like this: