Rabitəbank rəhbərliyi qazi və şəhid ailələri ilə görüş keçirib

“Rabitəbank” rəhbərliyi 1-ci Qarabağ və Vətən müharibəsində iştirak etmiş qazi və şəhid ailələri ilə görüş keçirib. Bankın İdarə Heyəti sədrinin 1-ci müavini Orhan Gültekinin iştirakı ilə baş tutan görüşdə “Rabitəbank”ın 8 Noyabr – Zəfər Günü ilə bağlı hazırladığı videoçarxın əsas qəhrəmanları iştirak edib.

Görüşdə Ali Baş Komandanın rəhbərliyi ilə Şanlı Ordumuz tərəfindən torpaqlarımızın düşmən tapdağından azad olunmasından, əsgərlərimizin qəhrəmanlıqlarından fəxrlə söhbət açılıb, 30 illik işğala və həsrətə son qoyulduğu bildirilib.

“Rabitəbank olaraq hər zaman şəhid ailələrinin, Qarabağ qazilərinin yanındayıq, dəstək göstəririk. Bu gün qazanılan Zəfərin, bütün ölkənin yaşadığı qürur hissinin başlıca səbəbi sizsiniz. Hər birinizlə fəxr edir, şəhidlərimizi hörmətlə yad edirik”, – deyə Orhan Gültekin vurğulayıb.

Bankın rəhbərliyi, həmçinin bildirib ki, hər zaman öz dəyərlərinə sadiq qalan “Rabitəbank” müharibə və sonrakı dövrlərdə şəhid ailələri və qazi olmuş müştərilərinə, eləcə də müharibə iştirakçılarına daima dəstək göstərir.

Görüşün sonunda “Ata vəsiyyəti” videoçarxında çəkilmiş qəhrəmanlara rəhbərlik tərəfindən qiymətli hədiyyələr təqdim edilib.

Videoçarxı izləmək üçün: “https://rbt.az/zefergunu

Məlumat üçün bildirək ki, “Rabitəbank”ın 8 Noyabr – Zəfər Günü ilə bağlı hazırladığı videoçarx sosial mediada böyük maraqla qarşılanıb. “Ata vəsiyyəti” adlanan videonun əsas süjet xəttini 1-ci Qarabağ müharibəsində qazi olmuş ataların övladlarını necə vətənpərvər ruhda böyütməsi və onların Vətən Müharibəsində torpaqlarımızın işğaldan azad olması üçün göstərdikləri şücaət tərənnüm olunub.

Bir cavab yazın

error: Mətndən istifadə etmək qadağandır!
%d bloggers like this: