Bakıda ilk “Viva La Vida” Beynəlxalq Uzunömürlülük Konqresi keçirilir
Bakıda ilk dəfə olaraq “Viva La Vida” Beynəlxalq Uzunömürlülük Konqresi keçirilir. Tədbirdə fəal uzunömürlülük sahəsində ən parlaq beynəlxalq mütəxəssislər iştirak edir. Dövrümüzün ən fundamental məsələlərindən birinə toxunan konqres təkcə Azərbaycanda deyil, ümumiyyətlə, regionda ilk dəfə keçirilir.
“Viva La Vida” Beynəlxalq Uzunömürlülük Konqresində səhiyyə nazirinin müavini İlqar Qasımov, İcbari Tibbi Sığorta üzrə Dövlət Agentliyinin İdarə Heyətinin sədr müavini Nigar Bayramova, Tibbi Ərazi Bölmələrini İdarəetmə Birliyinin (TƏBİB) icraçı direktorunun müavini Araz Nəsirov çıxış ediblər.
Konqresdə iştirak edən müxtəlif ölkələrdən olan nüfuzlu mütəxəssislər rahat uzunömürlülük problemlərini həll edən dünya tədqiqatları barədə məlumat veriblər. Xatırladaq ki, Azərbaycan qədim zamanlardan uzunömürlülər diyarı kimi tanınır və bu fenomen araşdırılır və təbliğ olunur.
Viva La Vida Konqresinin təşkilatçılarından biri, Sea Breeze Anti-Aging Center sağlamlıq kompleksinin yaradıcısı Həcər Cəfərova tədbirlə bağlı deyib: “Uzunömürlülük hüceyrə səviyyəsindən başlayır və genetikadan, ətraf mühitdən və həyat tərzindən asılıdır. Biz bunu fiziki və əqli bərpaya vahid yanaşma yolu ilə uzunömürlülük səyahətində tibb və insan təcrübəsini yenidən təsəvvür etmək missiyamız kimi görürük.
Konqres çərçivəsində Azərbaycanda fəaliyyətə başlayan unikal sağlamlıq kompleksi Caspi Mayr təqdimatı olub. Bu, tamamilə yeni mərkəzdir ki, burada Azərbaycanda ilk dəfə olaraq Dr.Mayerin konsepsiyasına uyğun olaraq hazırlanmış patentləşdirilmiş Detox proqramından keçmək mümkün olacaq. Proqram bir çox beynəlxalq mükafatlara layiq görülüb və ən yaxşısı kimi tanınıb. Kompleks Xəzər dənizinin sahilində yerləşir və burada dəniz havası yalnız bu terapevtik texnikanın bütün üstünlüklərini artırır”.
Martın 17-də işini davam etdirəcək “Viva La Vida” Beynəlxalq Konqresi çərçivəsində uzunömürlülük məsələlərinə həsr olunmuş sərgi də keçirilir. Burada yaşlanma əleyhinə təklif olunan innovativ xidmətlər və həllər ilə tanış olmaq olar.
