Cenevrədə Azərbaycan kinosunun uğurları

İsveçrənin cənub-qərbində məşhur «Ciné 17» kinoteatrında Cinemazadeh studiyasının istehsalı olan “Kəklikotu” macəra komediyasının təqdimatı keçirilib.

Təqdimatda yerli kino ulduzları Müşfiq Şahverdiyev, İslam Mehrəliyev, Əlixan Rəcəbov, Fərda Amin, Məcid Hüseynov, aktrisa və saundtrekin ifaçısı Dilarə Kazımova, rejissor və filmin baş prodüseri Cəfər Axundzadə iştirak etmişdir.

Sonda zal yaradıcı kollektivi salamlamışdır. Alqışlar uğurlu işin sübutu olmuşdur.

Baxmayaraq ki, filmin 11 ay öncə nümayişinə başlanılmışdır, kino indiyədək Avropada, MDB ölkələrində və Türkiyədə böyük maraq doğurur. Lakin Cinemazadeh studiyasının növbəti layihəsi olan “Qış nağılı” filminin çəkilişlərində məşqul olduğu üçün “Kəklikotu”nun təqdimatı bir sıra şəhərlərdə keçirilməmişdir. Lakin Cinemazadeh studiyası xəbər verir ki, “Qış nağılı” romantik komediyası filmdə iştirak edən ulduz və baxış sayına görə öz rekordunun vurmaq niyyətindədir.

Qeyd etmək istəyirik ki, “Qış nağılı” filmi təkcə Azərbaycanda deyil həm də Türkiyənin bütün şəhərlərində və bir çox Avropa ölkələrində nümayiş olunacaq.

“Kəklikotu” filminin rejissoru və baş prodüseri Cəfər Axundzadə söyləmişdir: “Biz əlbəttə ki, bütün şəhərlərə və ölkələrə səfər etmək, kinomuzu hər kəsə nümayiş etdirmək istəyirik, lakin təəssüflər olsun ki, biz bir filmin çəkilişlərini bitirincə digər bir filmin çəkilişlərinə başlayırıq. Bundan başqa bizdə artıq bitmiş layihələrdə var, hansılar ki, çoxlu güc, piar və qala-gecələrin keçirilməsi üçün vaxt tələb edir. Lakin biz mütləq bizi dəvət edən bütün şəhərləri ziyarət edəcəyik. Dəqiq tarixi hələ deyə bilmərik”.

İlk dəfə olaraq filmdə 20-dən çox məşhur aktyor, müğənni və rejissor iştirak etmişdir.

Filmin baş prodüseri  Cəfər Axundzadə, quruluşçu rejissorları Cəfər Axundzadə və Vüqar İslamzadə, ssenari müəllifləri Vüqar Hüseynov və Talıb Əhmədov, quruluşçu operatoru Rəşad Qarayev, bəstəkarı Rüstəm Zeynallı, musiqi direktoru Aynur Axundzadə, icraçı prodüserləri Tural Əsədov və Xətai Əlidir. Layihənin baş koordinatoru “CinemPlus” kinoteatrlar şəbəkəsinin baş direktoru Zaur Darabzadədir.

Filmdə Müşfiq Şahverdiyev, Nigar Camal, İslam Mehrəliyev, Əlixan Rəcəbov, Aqil M Quliyev, Məcid Hüseynov, Fərda Amin, Elcan Rəsulov, Kamran Ağabalayev, Ceyhun Zeynalov (Jin), Kənan MM, Oqtay Əliyev, Rövşən Məmmədli, Nofəl Şahlaroğlu, Samir Qulamov, Vüsal Hacıqədir, Oksana Rəsulova, Kamran Həsənli, ABD Malik, Dilarə Kazımova, Şəhriyar Əbilov, Samirə Əfəndiyeva, Xalq artisti Faiq Ağayev və digər tanınmışlar rol alıb.

Filmin süjetində meyvə-tərəvəz satmaq üçün paytaxta gedən dayı və bacıoğlu bir nəfərə çatacaq bir kisə kəklikotunu başqasına satırlar. Sən demə, kisədə kəklikotu deyilmiş. Milyonla ölçülən həmin əmanətin yiyəsindən yaxa qurtarmaq isə qəliz məsələdir.

Bu hadisə – Azərbaycanda kommersiya kinosunun işlədiyinin, inkişaf etdiyinin və edəcəyinin çox vacib göstəricisidir!

Frame.az