Kaspersky 2025-ci ilin müstəqil sahə testlərinin nəticələrinə görə dünyada birinci yerlərin sayına görə liderdir
İl ərzində Kaspersky 100 müstəqil sınaq və icmalda iştirak edib – şirkətin məhsulları 90 dəfə birinci yeri tutub və 94 dəfə ilk üçlüyə daxil olub.
TOP-3 metrikası “AV-Comparatives”, “AV-TEST” və “SE Labs” daxil olmaqla, nüfuzlu müstəqil laboratoriyalar tərəfindən aparılan müqayisəli sınaqlarda satıcı həllərinin nə dərəcədə yaxşı nəticə göstərdiyini əks etdirir. İndeks informasiya təhlükəsizliyi sistemlərinin iştirak etdiyi tədqiqatların ümumi sayı və əldə etdikləri ilk üç yerin sayına əsasən hesablanır. Bununla da həm B2C, həm də B2B istifadəçiləri üçün məhsulun effektivliyinin hərtərəfli qiymətləndirilməsini təmin edilir.
Sınaq metodologiyası və prosesi, eləcə də TOP-3 iştirakçılarının tam siyahısı haqqında daha ətraflı məlumat: https://www.kaspersky.ru/top3.
Əsas mükafatlar
“Kaspersky EDR Expert” həlli “AV-Comparatives EDR Detection Validation Certification” sınağının bütün mərhələlərini uğurla keçən sənayedəki həllər arasında birinci olub və Certified EDR Detection 2025 mükafatını əldə edib.
Ardıcıl ikinci ildir ki, “AV-TEST” laboratoriyası biznes üçün “Kaspersky Security” və “Kaspersky Small Office Security” həllərini qabaqcıl təhdidlərdən ən yaxşı müdafiə (Best Advanced Protection 2025) və yalançı pozitivlərdən ən yaxşı müdafiə (Best Usability 2025) nominasiyalarında illik mükafatlarla təltif edib.
Biznes üçün “Kaspersky Security” və “Kaspersky Small Office Security” həlləri 2023-cü ilin 3-cü rübündən 2025-ci ilin 3-cü rübünə qədər rüblük “SE Labs” sınaqlarında ümumi müdafiə keyfiyyəti parametrləri üzrə ən yüksək balı toplayıb, həmçinin SE Labs Winner Enterprise Endpoint 2025 və SE Labs Winner Small Business Endpoint 2025 illik mükafatlarını qazanıb. Biznes üçün “Kaspersky Security” həlli, bundan əlavə, “AV-Comparatives”in təhlükəsizlik həllinə müdaxilə cəhdlərinə qarşı müqavimət sınaqlarında 100 faizlik nəticə göstərib.
“Kaspersky Premium” həlli ardıcıl ikinci il “AV-Comparatives” tərəfindən “Ən yüksək reytinqli məhsul” (Top-Rated Product) mükafatına layiq görülüb. Eyni zamanda, zərərli proqramlardan müdafiə (Malware Protection Test) və bütün sınaq ili ərzində ən az yalançı pozitiv (Lowest False Positives) sınaqlarında “Gold” (Qızıl) statusunu, qabaqcıl təhdidlərdən müdafiə üzrə sınaqda (Advanced Threat Protection Test) “Silver” (Gümüş) statusunu və aktual təhdidlərdən müdafiə sınağında (Real World Protection Test) “Bronze” (Bürünc) statusunu əldə edib.
“AV-Comparatives” 2004-cü ildə sınaqlarını keçirməyə başladığından bəri Kaspersky-nin istehlakçı həlləri portfeli rəqiblərindən daha çox illik mükafat alıb: yeddi “İlin Məhsulu” (Product of the Year) mükafatı, iki “Əla Məhsul” (Outstanding Product) mükafatı və səkkiz “Ən Yüksək Reytinqli Məhsul” (Top-Rated Product) mükafatı.
Eyni zamanda, “Kaspersky Premium” həlli “AV-Comparatives”in real mağazalar kimi maskalanan saxta veb-saytların aşkarlanması və onlardan müdafiə üzrə sınağı (Fake Shops test) uğurla başa vurub. Həll yüksək effektivlik nümayiş etdirib və Təsdiqlənmiş Approved Fake Shops Detection sertifikatını əldə edib. Bu mükafat “Kaspersky Premium” həllinin istifadəçilərə təhlükəsiz onlayn alış-veriş üçün yüksək etibarlı qoruma təmin etmək qabiliyyətini təsdiqləyir.
Bundan əlavə, “Kaspersky Premium” həlli 2022-ci ilin 4-cü rübündən 2025-ci ilin 3-cü rübünə qədər “SE Labs”ın rüblük sınaqlarında ən yüksək ümumi dəqiqlik dərəcəsi (Total Accuracy Rating) balını toplayaraq illik “SE Labs Winner Consumer Endpoint 2025” mükafatını qazanıb. AV-Test testlərində yalançı pozitivlərə qarşı ən yaxşı müdafiə nəticəsinə görə həll yenidən illik Best Usability 2025 mükafatına layiq görülüb.
“Mac” əməliyyat sistemi üçün “Kaspersky Premium” həlli “AV-Test”in 2025 testlərində qoruma, performans və yalançı pozitivlərə qarşı dayanıqlılıq baxımından üstün nəticələr nümayiş etdirib və yenidən illik “AV-TEST Best MacOS Security 2025” mükafatını qazanıb.
“Kaspersky Safe Kids” həlli bir daha uşaqların onlayn təhlükəsizliyi üçün ən təsirli həllərdən biri kimi qiymətləndirilib. Məhsul uyğunsuz məzmuna qarşı yüksək effektiv müdafiə imkanlarına görə “AV-Comparatives”dən sertifikat əldə edib.
2025-ci il TOP-3 metrikasının tarixində daha bir uğurlu il olub. 2013-cü ildən bəri Kaspersky 1100-dən çox müstəqil sınaqda iştirak edərək 861 dəfə birinci yeri tutub və 965 dəfə ilk üçlüyə daxil olub ki, bununla bütün rəqiblərini üstələyib.
“Kibertəhlükəsizlik üzrə geniş çeşidli sınaqlarda müntəzəm olaraq iştirak etməklə və ən yüksək balları toplamaq və sənaye tərəfindən tanınan mükafatları almaqla məhsul portfelimizdəki ən yüksək keyfiyyət standartlarını təsdiqləyirik. Bu, həm müəssisələrin, həm də fərdi istifadəçilərin rəqəmsal həyatlarının təhlükəsizliyindən əmin ola bilmələri üçün həqiqətən hərtərəfli müdafiə təmin etmək öhdəliyimizi açıq şəkildə nümayiş etdirir”, – deyə Kaspersky-nin Təhdidlərin tədqiqi departamentinin rəhbəri Aleksandr Liskin bildirib.
