Mart ayında Bakı Nəqliyyat Agentliyinə 1448 vətəndaş müraciəti daxil olub
Cari ilin mart ayında Bakı Şəhər İcra Hakimiyyəti başçısının tabeliyindəki Bakı Nəqliyyat Agentliyinə 1448 vətəndaş müraciəti daxil olub.
Agentlikdən Frame.az-a bildirilib ki, müraciətlərin 92 faizi cavablandırılıb.
“Alo141 – Çağrı mərkəzi” üzərindən 5120, sosial şəbəkələr üzərindən isə 324 müraciət cavablandırılıb. Ötən ilin müvafiq dövrü ilə müqayisədə şikayət xarakterli müraciətlərin sayı 33 faiz azalıb, məmnunluq səviyyəsi isə 18 faiz artıb. Pandemiya şərtləri nəzərə alınmaqla 92 nəfər vətəndaşın qəbulu həyata keçirilib.
