Mastercard 2026 CEV Trendyol voleybol üzrə qadınlararası Avropa çempionatına güclü dəstəyini bəyan edir
Mastercard 2026 CEV Trendyol voleybol üzrə qadınlararası Avropa çempionatına Təqdimat Sponsoru qismində dəstəyini elan edir. Çempionata Azərbaycan, Türkiyə, Çexiya və İsveç birlikdə ev sahibliyini edəcəklər.
Bu böyük idman yarışını dəstəkləməklə yanaşı, Mastercard qadın idmançıların görünənliyini artırmağa kömək edir və qadın idmanının davamlı inkişafına töhfə verir. Azərbaycandakı matçlar Bakıda Milli Gimnastika Arenasında keçiriləcək.
Avropa Voleybol Konfederasiyanın prezidenti Roko Sikirić /Roko Sikiriç/: “Mastercard kimi həqiqətən də qlobal brendin qatılımı Avropa voleybolunun artan beynəlxalq nüfuzuna və kommersiya cəlbediciliyinə dəlalət edir. Tərəfdaşımızı salamlamağa şadıq və Avropa voleyboluna göstərdiyi etimada görə ona minnətdarıq. Bu tərəfdaşlıq Avropa voleybolunu daha geniş auditoriyaya çatdırmağa, azarkeşlərimiz üçün yeni cəlbetmə imkanları yaratmağa və milli komandaların iştirakı ilə keçirilən başlıca qitə yarışımızın Avropada və dünyada tanıtımını daha da gücləndirməyə kömək edəcək.”
Onur Faydacı: “İdman müxtəlif mədəniyyətləri və cəmiyyətləri müştərək dəyərlər ətrafında birləşdirən, hamılıqla anlaşılan bir dildir.”
Açıqlamanı şərh edən Mastercard-ın Türkiyə və Azərbaycan üzrə Baş meneceri Onur Faydacı bildirdi: “İdman müxtəlif mədəniyyətləri və cəmiyyətləri müştərək dəyərlər ətrafında birləşdirən və davamlı təsir yaradan universal bir dildir. İllər boyu biz idmanın insanları bir araya gətirmək gücünə güc verərək UEFA Çempionlar Liqasından tutmuş qlobal miqyaslı tennis və qolf yarışlarınadək çoxsaylı nüfuzlu idman platformalarını dəstəkləyirik. İdmanın sosial və iqtisadi təsirlərini maksimallaşdırmağa çalışan bir şirkət kimi bu strateji xəttin yolçusu olmaq bizim üçün dərin məna kəsb edir. Təhlillərimiz göstərir ki, böyük idman tədbirləri ev sahibi iqtisadiyyatlarına aşkar impuls verir. Belə iqtisadi fəallıq geniş biznes ekosistemi çərçivəsində yerli sahibkarlıq subyektləri üçün davamlı böyümə imkanlarına çevrilir. Bu əməkdaşlıq vasitəsilə qadın idmanının inkişafına töhfə verməklə yanaşı, Azərbaycanın beynəlxalq səviyyədə tanıdılmasını artırmaq istəyirik. İnanırıq ki, çempionat həm Azərbaycan, həm də voleybol üçün mühüm dəyər yaradacaq. Azərbaycan qadın milli voleybol komandasına və turnirdə mübarizə aparacaq bütün idmançılara uğurlar diləyirik.”
İrimiqyaslı idman tədbirləri ev sahibi iqtisadiyyatları üçün inkişaf katalizatoru rolunu oynayır
Müasirdə, iri idman tədbirlərinin əhəmiyyəti bir neçə saat davam edən yarışlardan qat-qat artıqdır. Bu yarışlar onlara ev sahibliyi edən şəhərlərdə davamlı iqtisadi dinamika yaradaraq, getdikcə iqtisadi inkişafın katalizatoru kimi çıxış edirlər. Beynəlxalq idman yarışları turizm və qonaqlama sektorundan tutmuş nəqliyyat və ictimai iaşəyədək iqtisadi sahələri stimullaşdırmaqla yerli bizneslər üçün yeni artım fürsətləri yaradırlar.
Mastercard tərəfindən irimiqyaslı idman tədbirlərinin aparıldığı analitik təhlilləri bu təsiri konkret rəqəmlərlə təsdiqləyir. Önəmli idman tədbirləri zamanı azarkeşlərin səyahət, yerləşmə, qida və alış-veriş xərcləri nəzərəçarpan dərəcədə artır. Eyni zamanda, bu yarışların beynəlxalq görünənliyi ev sahibi şəhərlərin tanıtımını və turizm cazibədarlığını xeyli gücləndirir.
İstanbulda keçirilmiş 2023 UEFA Çempionlar Liqası finalı ərəfəsində Türkiyəni ziyarət etmiş azarkeşlər orta hesabla üç gecə qalaraq adambaşına 855 avro xərcləmişlər, ev sahibi şəhərdə kart əməliyyatlarının həcmi isə orta hesabla 48% artmışdır. Mastercard İqtisadiyyat İnstitutunun qiymətləndirmələrinə əsasən, UEFA Avro 2024 Finalına ev sahibliyi edən Berlinin Olimpiya Stadionunun üç kilometrlik radiusunda yerləşən restoran və barlardakı satışlar 130% artmış, transsərhəd xərclər isə adi həftəsonu göstəricisi ilə müqayisədə 21.7 dəfə yüksəlmişdir.
Formula 1 yarışlarının Azərbaycan Qran Pri həftəsi dövründə beynəlxalq ziyarətçilərin sayı ildən ilə 87%, onların xərcləri isə 77% artır. İqtisadi fəallıq Bakının hüdudlarını aşaraq digər bölgələrdə əməliyyatların sayının üçdəfəlik artımına səbəb olur. Royal Liverpool qolf klubunda keçirilmiş 2023 Böyük Britaniya açıq çempionatı zamanı gecələmə gəlirləri 30%, restoran və daxili mağaza satışları isə müvafiq olaraq 25% və 27% yüksəlmişdir.
Mastercard haqqında
Mastercard 200-dən artıq ölkə və ərazidə iqtisadiyyatları gücləndirir və insanlara dəstək verir. Müştərilərimizlə birlikdə hər kəsin rifah tapa biləcəyi davamlı bir iqtisadiyyat qururuq. Biz rəqəmsal ödənişlərin geniş spektrini dəstəkləyir, əməliyyatları təhlükəsiz, sadə, ağıllı və əlçatan edirik. Texnologiya və innovasiyalarımız, tərəfdaşlıqlarımız və şəbəkələrimiz insanların, bizneslərin və hökumətlərin öz potensiallarını tam şəkildə reallaşdırmasına kömək edən unikal məhsul və xidmətlər toplusu təqdim edir.
www.mastercard.com
