Muzey Musiqili Teatra təşəkkür məktubu göndərib
Azərbaycan Dövlət Musiqili Teatrının solistləri yanvar ayının 25-i Musiqi Mədəniyyəti Dövlət Muzeyində Azərbaycan professional bəstəkarlıq məktəbinin 110 illiyi münasibətilə keçirilən tədbirdə fəal iştirak etmişlər.
Teatrın mətbuat xidmətindən verilən məlumata görə, bu münasibətlə Azərbaycan Musiqi Mədəniyyəti DövlətMuzeyinin direktoru Alla Bayramovanın teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayevə ünvanladığı təşəkkür məktubunda deyilir:“Hörmətli Əliqismət müəllim!Azərbaycan Musiqi Mədəniyyəti Dövlət Muzeyində keçirilən Azərbaycan professional bəstəkarlıq məktəbinin 110 illiyi ilə əlaqədar tədbirdə konsert proqramının hazırlanmasında rəhbərlik etdiyiniz teatrın solistləri Əməkdar artist SəidəŞərifəliyeva,Eleanora Mustafayeva, Əliməmməd Novruzov, Aydan Həsənova, Əmrah Dadaşov, Səməd Xasıyev, Şaban Cəfərov, Atəş Qarayev, konsertmestrlər Fidan Babayeva, Aysel Şahbazlı yüksək səviyyədə çıxış etmişlər. Buna görə şəxsən Sizə, adları çəkilən solist və musiqiçilərə təşəkkürümüzü bildiririk.”
Azərbaycan Musiqi Mədəniyyəti Dövlət Muzeyinin direktoru, Azərbaycan Respublikasının Əməkdar mədəniyyət işçisi Alla Bayramovanın imzaldığı təşəkkür məktubunda qarşılıqlı əlaqələrin vacibliyi bir daha vurğulanır: “Ümidvarıq ki, musiqi mədəniyyətimizin inkişafı istiqamətindəbundan sonra da bizimlə əməkdaşlığı davam etdirəcək, birgə fəaliyyətimizə dəstək olacaqsınız”.
Frame.az
