Ötən il də Azercell uğurlu fəaliyyəti ilə seçildi

“Azercell Telekom” MMC fəaliyyət göstərdiyi 20 il ərzində ölkə iqtisadiyyatında öz sözünü deyən şirkətlərdən biri olub. 2016-cı ildə də bir çox sahədə liderliyi qoruyub saxlayan mobil operator əksər göstəricilər üzrə irəliləyib. Bu haqda Azercell Telekom MMC-nin 2016-cı il üçün hesabatında məlumatlar əks olunub.

“Azercell Telekom” MMC Azərbaycanın mobil rabitə bazarının 48%-nə nəzarət edir. Onun şəbəkəsi ölkə əhalisinin 99,8%-ni, ərazinin isə 80%-ni (20% işğal olunmuş ərazini çıxmaq şərtilə) əhatə edir. Bu gün Azercell-in xidmətlərinə üstünlük verən abunəçilərin sayı 4.5 milyon nəfəri keçir.

Azercell ölkənin qeyri-neft sektorunun ən böyük vergi ödəyicisi və sərmayədarı olmaqda davam edir. 2016-cı ildə Azercell dövlət büdcəsinə 175,1 milyon manat, 20 il ərzində isə 1 milyard 458,2 manat vəsait ödəyib. Ötən il Azercell ödəmələrinin büdcədə xüsusi çəkisi təqribən respublika budcəsindəki ümumi ödənişlərin 2.3%-ni, qeyri-neft sektoru üzrə ödənişlərin 2.9%-ni təşkil edib.  Azercell 2016-cı il ərzində Azərbaycanda telekommunikasiyanın inkişafına təqribən 31 milyon 16 min ABŞ dolları, ölkədə fəaliyyət göstərdiyi 20 il ərzində isə 1 milyard 443 milyon ABŞ dolları ödəyib.  2016-cı ildə Azercell öz işçilərinin inkişafına 659 430.21 ABŞ dolları, 20 il ərzində isə 22 434 173.21 ABŞ dolları  sərmayə yatırıb.  Ötən bir il ərzində Azercell ölkədə sosial layihələrin həyata keçirilməsi üçün 255 683.84 ABŞ dolları, 20 il ərzində isə 18 722 027.66 ABŞ dolları həcmində vəsait sərf edib.

2016-ci il müştərilərimiz üçün “Azercell-ə həyat 4G sürətilə paylaşılan hər anı ilə gözəldir” lozunqu altında keçdi. 1 il ərzində 4G şəbəkəsini 84% gücləndirdik, sürətli interneti əlçatan etmək üçün mobil internet tariflərinə 27% endirim etdik.  4G-ni dəstəkləyən ən müasir mobil cihazları güzəştli şərtlərlə Azercell abunəçilərinə təqdim etdik və İphone smartfonlarının Azərbaycanda yeganə rəsmi təqdimatçısı olduq.

Hər il olduğu kimi, ötən il də müştərilərimizə xeyli güzəştlər təqdim etdik. Rouminqdə vahid endirimli tariflə ünsiyyət saxlanıla biləcək ölkələrin siyahısını genişləndirdik. Müştərilərimizə daha çox sərbəstlik və rahat seçim imkanı vermək üçün Yeni Konsepsiyalı satış və xidmət mərkəzlərinin sayını artırdıq. Z. Tağıyev küçəsində  yerləşən ilk müştəri xidmətlərini və Gənclik Mall-da açılan yeni ofisimizi müasir Skandinaviya stilində yeni konsepsiyada təqdim etdik.

Hazırda Azercell Azərbaycanda ən böyük müştəri xidmətləri şəbəkəsi – 63 Ön Masa və Azercell Ekspress ofisləri və 393 rəsmi satış məntəqəsindən ibarət ən geniş satış şəbəkəsi vasitəsilə abunəçilərinə sevə-sevə xidmət göstərir.

Mükafatlar baxımından da 2016-cı il şirkət üçün çox uğurlu oldu. Azercell Telekom-un prezidenti Vahid Mürsəliyev beynəlxalq “The Business Year” dərgisi tərəfindən “İlin şirkət rəhbəri” mükafatını aldı. O, həmçinin BMT nəzdindəki Beynəlxalq Rabitə Akademiyasının akademiki tituluna layiq görüldü, ölkədə Paralimpiya hərəkatının inkişafındakı xidmətlərinə görə Milli Paralimpiya Komitəsinin fəxri diplomu ilə təltif edildi.

Eyni zamanda Azercell Telekom Stevie Beynəlxalq Biznes Mükafatı üzrə 3 nominasiyada qalib oldu, “İlin telekommunikasiya şirkəti” və “İlin Korporativ Ünsiyyət Departamenti” nominasiyası üzrə bürünc mükafatı, Azercell “Barama” İnnovasiya və Sahibkarlıq Mərkəzinin nəzdində yaranaraq fəaliyyət göstərən “Sumaks” şirkəti isə “İlin Startapı” nominasiyası üzrə gümüş mükafata layiq görüldü. Eyni zamanda Azercell növbəti dəfə Şərqi Avropa ölkələrinin bazarlarını əhatə edən tədqiqat nəticələrinə əsasən, bazarda 3 ən yaxşı işəgötürən şirkətdən biri elan olundu.

4,5 milyonluq abunəçi ailəsinə xidmət göstərən şirkət sosial şəbəkələrdə də öz aktiv fəaliyyəti ilə seçilib və Facebook sosial şəbəkəsi üzərindən istəkləri cavablama reytinqini 100%-ə, Twitter social şəbəkəsi üzərindən isə 79%-a çatdıraraq “Socialbakers” şirkəti tərəfindən yenidən dəyərləndirildi.

2016-cı ildə Azercell keyfiyyət sistemini daha da təkmilləşdirərək daha 2 Beynəlxalq standartın tələblərini şirkətdə tətbiq etdi və sertifikasiya auditindən uğurla keçdi. Bunlar “Ətraf mühitə göstərilə biləcək təsirlərin idarə edilməsi”nə dair İSO 14001:2015 və “Əməyin təhlükəsiz təşkili və mühafizəsi”nə dair OHSAS 18001 Standartlarıdır.

Korporativ Sosial Məsuliyyəti Azercell Telekom əsas biznesindən ayırmır. Sürətli  İnternetin və qabaqcıl texnologiyaların köməyi ilə azərbaycanlıların həyatını müasirləşdirməyə və asanlaşdırmağa çalışmaqla yanaşı Azercell internet istifadəçilərin müdafiəsi və təhlükəsizliyini düşünür. 1 iyun 2016-cı il tarixində Azercell  “Kaspersky Lab” şirkəti ilə bu sahədə əməkdaşlığa başladı və cəmiyyətin diqqətini həm uşaqların həm də böyüklərin onlayn müdafiəsinə cəlb etdi. Layihə çərçivəsində İnternetdən istifadəni daha təhlükəsiz edən 3 yeni məhsul təqdim olundu: “Universal Müdafiə”,  “Android üçün müdafiə” və “Valideyn nəzarəti”.

Uşaqlar arasında mütaliə mədəniyyətini təbliğ etmək üçün Azercell-in dəstəyi ilə məşhur İsveç yazıçısı Astrid Lindqrenin uşaq əsərlərindən ibarət 5490 ədəd kitab Azərbaycan dilinə tərcümə edilib, nəfis tərtibatda, ilk dəfə orijinal illüstrasiyalarla nəşr etdirərək 610 qaçqın məktəbinin kitabxanasına hədiyyə olundu. Bundan əlavə Azərbaycan Dövlət Gənc Tamaşaçılar Teatrının səhnəsində məcburi köçkün uşaqların iştirakı ilə “Uzuncorab Pippi” səhnə əsərinin nümayişi baş tutdu.

Azercell-in Mobil Göz və Mobil Diş Klinikaları 2016-cı il ərzində regionlara səfər edərək 2.000-ə yaxın, fəaliyyətə başladığı 2010-cu ildən bu günədək isə 6. 000-dən çox kimsəsiz uşaq, ahıl və aztəminatlı ailələri müayinə və müalicə edib. Azercell-in dəstəyi ilə fəaliyyət göstərən Bakı və Gəncə Uşaq Qaynar Xətti xidmətinə 2016-ci il ərzində 3. 700-ə yaxın müraciət daxil olub. 2010-2016-cı illər ərzində isə bu say 18. 000-dən artıq olub. Ötən ilin sonunda Azercell-in təşəbbüsü və dəstəyi ilə Uşaq Qaynar Xəttinin Android üçün mobil aplikasiyası hazırlandı. 2006, 2007 və 2009-cu illərdə də Ümidli Gələcək Gənclər Təşkilatının Uşaq Hüquqları üzrə QHT Alyansı ilə birlikdə təsis etdikləri  “Heç Bir Uşağı Nəzərdən Qaçırmayaq” Milli İctimai Mükafatını bu il də alan Azercell uşaq hüquqlarının müdafiəsi sahəsinə böyük tövfə verən təşkilat kimi dəyərləndirilib. Həmçinin “ASAN Könüllüləri”-nin təşkilatçılığı ilə Lahıcda baş tutmuş respublika miqyaslı sosial layihənin – “Həmrəylik düşərgəsi”nin əsas mobil rabitə təminatçısı olub.

Azercell Telekom MMC-nin 2014-cü ildən dəstək verdiyi Milli Uşaq Paralimpiya komitəsinin gənc üzvləri II Uşaq Paralimpiya Oyunlarında iştirak ediblər.

Bundan əlavə, şirkət hər zaman olduğu kimi, öz fəaliyyəti ilə ölkədəki gəncləri də həvəsləndirib. Belə ki, tələbələr üçün “Yay Təcrübə Proqramı” davam edib, 2016-cı ildə 28 tələbə isə Azercell-in Təqaüdçüsü adına layiq görülüb.

Azercell-in köməyilə ölkəmizdə ilk dəfə olaraq möhtəşəm Oracle konfransı, “Big Data Day Baku”, “Barama HackDay 2016”  kimi tədbirlər baş tutub.

Eyni zamanda 2016-cı il ərzində həm müəllimlər, həm startuplar üçün seminarlar təşkil olunub, jurnalistlər üçün ingilis dil kursları davam etdirilib. Bu il dil kurslarına qatılmaq istəyən jurnalistlərin sayı yüz nəfəri ötüb.

Ölkənin lider mobil operatoru olaraq 2017-ci ildə də fəaliyyətimizi peşəkarcasına davam etdirəcəyik. Dünyanı müştərilərimizə daha yaxın etmək üçün bundan sonra da yüksək sürətli interneti hamı üçün əlçatan etməyi, Azercell abunəçi ailəsinə ən yaxşı müştəri təcrübəsini yaşatmağı, ölkəyə müasir texnoloji innovasiyaları gətirməyi qarşımıza məqsəd qoymuşuq.

Frame.az