Xalça Muzeyində bir –birindən maraqlı proqramlar təqdim olunacaq

Cari ilin 18 mart tarixində Azərbaycan Xalça Muzeyinin Uşaq Muzeyi şöbəsinin təşəbbüsü ilə “Ailə günü” adlı tədbir keçıriləcək.
“Ailə günü” tədbirinin keçirilməsində məqsəd valideyn-uşaq arasında ümumi maraqları birləşdirmək, ünsiyyət körpüsünü möhkəmləndirmək həmçinin Novruz bayramının yaranma tarixi və Novruz adət-ənənələri haqqında məlumat verməkdir.
Məlumat üçün bildirək ki, “Ailə günü” adlı tədbir mart ayının 26-dək, saat 11:00- dan 19:00- dək davam edəcək.
Tədbirdə “öz xalçanı yarat” kompüter proqramı, xalça pazlını yığ, bahar qızının iştirakı ilə əyləncəli viktorina, “səməni saxla məni” – Azərbaycan Respublikası Təhsil Nazirliyi, “Respublika Yaradıcılıq Mərkəzi”nin üzvləri, “Xalçalarda Novruz adət və ənənələrimizi simvol edən elementlər” mövzusunda tematik ekskursiya (Azərbaycan, ingilis və rus dillərində) , “Şəkərbura”nı naxışla, “Novruz yumurtasını boya” , ələ xına bəzəyinin çəkilməsi, dekorativ əl işləri hazırla – burada iştirakçılar “bahar qızı” yumşaq oyuncağını düzəldəcək, “Bahar çələngi” Sehrli açıqca hazırla və “Arzu ağacı” – özün rənglə − müsabiqə zamanı ən maraqlı rənglənən buta və ən fərqli arzunun sahibi növbəti ”Ailə günü” proqramına pulsuz bilet qazanacaq.
Bundan əlavə “İstedad sənsən” − Bakı şəhər məktəblilərinin iştirakı ilə müxtəlif nominasiyalar (xalq mahnıları, rəqs, bədii qiraət, rəsm) üzrə müsabiqə, Gülzadə Abdulovanın iştirakı ilə “Bir eksponatın tarixi” layihəsində “Şəbkülah” mövzusunda seminar, Nağıl saatı − uşaq yazarı Gülzar İbrahimovanın nağıl dünyasına səyahət və Azərbaycan cizgi filmlərini izləmək imkanı qazanacaqlar.
Həmçinin Məşhur memar Elçin Əliyevlə görüş – görüş zamanı Elçin müəllim uşaqlara Abşeron memarlığının tarixindən danışacaq. İştirakçılar Bakı-Abşeron abidələrinin rəsmini çəkəcək və Elçin müəllim tərəfindən seçilən ən yaxşı 5 rəsm əsərinin müəllifləri mükafatlandırılacaq. Frame.az