Azərbaycan Çempionatı 14-cü tur

Qarabağ – Neftçi 1:0 Kəpəz – Sumqayıt 0:3 Qəbələ – Keşlə 3:0 Səbail – Zirə 0:1 Turun açılış matçında “Qarabağ” və “Neftçi” komandaları üz-üzə gəlib. Maksim Medvedev’in 25-ci dəqiqədə vurduğu qol görüşdə yeganə olub 1:0. Bu qələbə sayəsində Ağdam təmsilçisi xallarının sayını 34-ə yüksəldib. “Sumqayıt” səfərdə “Kəpəz” üzərində 3:0 hesablı qələbə qazanıb. Bu qarşılaşmada “Sumqayıt” Futbol Klubunun Akademiyasının yetirməsi olan Səbuhi Abdullazadə əsas komandanın heyətində debüt edib. Səbuhi 15 yaş 349 günlüyündə Kəpəz’lə qarşılaşmanın 83-cü dəqiqəsində meydana daxil olub. Qəbələ – Keşlə oyununda gözlənildiyi kimi meydan sahibləri qələbə qazanıb 3:0. Səbail’in qonağı olan “Zirə” rəqibini 1:0 hesabı ilə məğlub edib. Bir oyun az keçirən “Qarabağ” 34 xalla turnir cədvəlinə başçılıq edir. 31 xalı olan “Qəbələ ikinci, 30 xal toplayan “Zirə” komandası isə üçüncüdür.

Frame.az

PƏRVİN BAYRAMOV.