Fərid Qayıbov Azərbaycanın üç rayonunda vətəndaşlarla görüşüb

Gənclər və idman naziri Fərid Qayıbov fevralın 1-də Kürdəmir, Ucar və Zərdab rayonlarında yaşayan vətəndaşları qəbul edib.

Nazirliyin mətbuat xidmətindən verilən məlumata görə, qəbuldan öncə Kürdəmir şəhərində Ümummilli Lider Heydər Əliyevin abidəsi ziyarət olunub, önünə gül dəstələri qoyulub.

Kürdəmir Olimpiya İdman Kompleksində keçirilən qəbulda F.Qayıbov vətəndaşları dinləyib, müraciətlərinin həlli üçün müvafiq tapşırıqlar verib.