Fiqurlu konkisürənimiz beynəlxalq yarışda qızıl medal qazanıb  

25-30 noyabr tarixlərində Azərbaycanı beynəlxalq fiqurlu konkisürmə üzrə yarışlarda təmsil edən idmançımız Vladimir Litvinsev Türkiyənin İstanbul şəhərində keçirilən “Bosphorus Cup” adlı yarışda iştirak edib.

İdmançımız qısa və sərbəst proqram üzrə çıxış edərək 12 idmançı arasında 225.41 xal taplayıb.Yekun nəticədə 1-ci yerə sahib olub və qızıl medala layiq görülüb.

Bununla yanaşı, yarışda Azərbaycanı yeniyetmə idmançılar Səbinə Əliyeva və Leyli Axundova da təmsil ediblər.

Nəticədə 52 idmançı arasında Leyli Axundova 106.24 xalla 26-cı, Səbinə Əliyeva isə 106.12 xalla 27-ci yerdə qərarlaşıb.