Formula 1 üzrə yeddiqat dünya çempionu komandasını dəyişir
Formula 1 üzrə yeddiqat dünya çempionu Lüis Hemilton “Mercedes” komandası ilə yollarını ayıracaq.
Frame.az xarici mətbuata istinadən xəbər verir ki, 39 yaşlı pilot 2025-ci ildən etibarən “Ferrari” üçün yarışacaq.
Daha əvvəl “Mercedes”lə 2 illik müqavilə imzalayan Hamilton sözləşmə müddətinin başa çatmasına 1 il qalmış komandanı tərk edəcək.
Qeyd edək ki, Lüis Hemilton “Ferrari”də 2024-cü ilin sonunda komandadan ayrılacaq Karlos Saynsı əvəzləyəcək.
