Formula 1 yarışları ilə bağlı media akkreditasiya seminarı keçirilib

Formula 1 yarışları ilə bağlı media nümayəndələrinin iştirakı ilə media akkreditasiya seminarı keçirilib.

Tədbirin əvvəlində seminar haqqında qısa məlumat verilib.

Sonra Formula 1 üzrə 2023-cü il yarış təqvimi nümayiş olunub.

Diqqətə çatdırılıb ki, bu il üçün 24 yarış nəzərdə tutulub. Formula 1 üzrə Çin Qran-Prisi ləğv olunduğu üçün hazırda təqvimdə 23 yarış yer alır.

Formula 1 Azərbaycan Qran-Prisi ilk dəfə sprint yarışlarına da ev sahibliyi edəcək.

Aprelin 28-30-da keçiriləcək Bakı Qran-Prisinin final mərhələsi sprint yarışlarına əsasən təyin olunacaq.

Media akkreditasiya prosesi barədə isə media məsələləri üzrə koordinator Esmira Məmmədova məlumat verib.

Fevralın 1-dən başlayacaq qeydiyyat prosesi martın 10-dək davam edəcək.

Müraciət üçün www.bakucity. circuit.com saytından istifadə etmək mümkündür.

Daha sonra qeydiyyat prosesi mərhələli şəkildə media nümayəndələrinə izah olunub.

Sonda media nümayəndələrinin sualları cavablandırılıb.