“İdman hamı üçün” “Gimnastika hamı üçün” məşğələləri təşkil edilib

Gənclər və İdman Nazirliyinin “İdman hamı üçün” layihəsi çərçivəsində sentyabrın 4-də Azərbaycan Gimnastika Federasiyası ilə birgə “Gimnastika hamı üçün” məşğələləri təşkil edilib. Bakı Konqres Mərkəzinin ərazisində baş tutan tədbirdə çox sayda əhali iştirak edib.

Tədbirdə müxtəlif musiqili-nümunəvi çıxışlar təqdim edilib. Bütün yaş kateqoriyasından olan insanlar proqrama qoşularaq, gimnastika mütəxəssislərinin rəhbərliyi altında isinmə, gimnastika, rəqs hərəkətlərini yerinə yetiriblər.

Qeyd edək ki, əyləncəli idman tədbirinin təşkilində məqsəd əhali arasında gimnastikanın təbliği, idmana marağın artırılması, sağlam həyat tərzinə çağırış, asudə vaxtın səmərəli təşkilidir