III MDB Oyunları üçün media akkreditasiya başladı

III MDB Oyunlarının Təşkilat Komitəsi Oyunları işıqlandırmaq üçün KİV nümayəndələrinin akkreditasiyası prosesinin başladığını elan etdi.

2025-ci il 22 may tarixindən etibarən MDB ölkələrindən və dəvət olunmuş dövlətlərdən olan KİV nümayəndələri akkreditasiya üçün müraciət edə bilərlər.

Akkreditasiya formasını III MDB Oyunlarının rəsmi saytında “Media Akkreditasiyası” bölməsində doldurmaq mümkündür: https://cisgames2025.com/az/media-akkreditasiyasi/

Akreditasiya zamanı aşağıdakı vacib məlumatlara diqqət yetirin:

• Onlayn akkreditasiya – Oyunlara akkreditasiya kartını əldə etmək üçün yeganə üsuldur.

• Gecikmiş və ya natamam ərizələr nəzərə alınmayacaq.

• Yalnız akkreditasiya olunmuş KİV nümayəndələri Oyunlar çərçivəsində Yarış məkanlarında və Media Mərkəzində jurnalist fəaliyyətini həyata keçirə bilərlər.

• Logistika və arenalar haqqında məlumatları əhatə edən media-kit növbəti mərhələdə akkreditasiya olunmuş jurnalistlərə təqdim olunacaq.

Akreditasiya prosesi ilə bağlı suallarınız və ya texniki dəstək üçün Media Akreditasiyası komandası ilə əlaqə saxlaya bilərsiniz:

media.accreditation@cisgames2025.az

III MDB Oyunları 28 sentyabr – 8 oktyabr 2025-ci il tarixlərində Azərbaycanın 7 şəhərində keçiriləcək.

Təşkilat Komitəsi bu böyük idman tədbirində KİV nümayəndələrini fəal iştirak etməyə dəvət edir.